بيوت عتابا غزلية
يا سمرا أنا بْحارْتِكْ كنت ساكنْ
وهيّجتي غرامي الكان ساكنْ
وْكسرتي بْخاطري كحرف ساكنْ
التقى بساكن بجنبو ومش عَجَبْ
***
إذا كنّ السّمكْ في البحر لاكنّْ
وعليكي سناني مرّ الصبر لاكنْ
وإنتي السبب في هالأمر لكنْ
أنا بعطي سبب غير هََالسببْ
***
أنا عابيتكو من يوم عَدّيتْ
خاطر والدِكْ يا بنت عَدّيتْ
وأيام الفراق كثير عّدّيت
وعلى طول العمر أجمع حسابْ
***
دموعي جَرَّحتْ فيكي مُقُلْتي
وأنا اللي قلتها وإنتي مَ قلتي
علييّ بين صاحْباتِكْ مَقِلتي
لحتى ابقى فِ بالِك في الغيابْ
***
جناحي من هواكي ما عِرِي شي
تعي مُرّي بْأصابيعك عَ ريشي
ومِثِل ما الدالي تِتْعَرْبَش عريشِه
عَرِِْبشيني تحت ظلّ الِِهْدابْ
***
طريقِكْ يا بِنِتْ لما طَرَقْتي
دخيلِكْ ليش تاراسِكْ طَرَقْتي ؟!
ولما الباب في وجهي طَرَقْتي
سقط قلبي على طرقِة البابْ
***
عليكي يليق فستانِكْ وشالِكِ
وغرامي جابِكْ لْقلبي وشالِِكْ
وإذا الواشي أجا وْعنّي وشا لِكْ
قُليلو للأبد نِحْنا حْبابْ
***
طول البعد عني انكان حالِكْ
خلاّني لحالي بْليل حالِكْ
وأنا بسأل عليكي كيف حالكْ ؟
اسألي عنّي تأعطيكي جوابْ
***
مع طيفِكْ أيا سمرا سمر مر
بليالي جُنْحها أسمر سمرمر
سلامي إلِكْ مع طائر سمرمر
بعثتو وليش يرجَع مع غْرابْ
***
أنا راعي وفا وإنتي وفيِّه
اشرحي لي الشوق يَلْ فيكي وفِييّ
ربيع بلادنا ميّه وفيِّ
وربيعِكْ شَلْبَنِه* وْصحّة ْشباب
ــــــــــــــــــــــــ
*شلبنة : جمال
سعود الأسدي
التعليقات
| الاسم: |
ابو مايز |
| التاريخ: |
2022-11-16 22:51:00 |
|
حبابي على السفر شدو بعدهم
مكان بعيد ما اكدر بعدهم
والله وكل ماقول عن قلبي بعدهم
يجيني الهم عابق متل الظلاااااااام
تحياتي اخوكم ابو مايز سيف |
|
| الاسم: |
ابو مايز |
| التاريخ: |
2022-11-16 22:47:29 |
|
| روووووعه اجمل موقع |
|
| الاسم: |
محمد أحمد عامر |
| التاريخ: |
2022-08-28 15:47:53 |
|
سابينا عن غرامك بلكي تبنا
هطل دمع التجاري بل كتبنا
نقشنا عالمجرّة بل كتبنا
الوفا أجمل آية بالكتاب |
|
| الاسم: |
unknow |
| التاريخ: |
2022-04-24 08:43:27 |
|
حبابي غيرو بوعدن وخلو
سقوني من الجفا مرو وخلو
كل واحد معو ولفو و خلو
وانا الحرقة معي بهجر الحباب
|
|
| الاسم: |
ابو مايز |
| التاريخ: |
2022-02-24 16:48:01 |
|
بنات البيض مالي عنهم
ماعمرو هلقلب ما مال عنهم
والله انا لابيع روحي وادفع مااااال عنهم
واسكن وين ماكانو هلحباااااااااااااااب
الف تحية مني الكم غوالي |
|
| الاسم: |
شايب أشعيطات★ |
| التاريخ: |
2021-12-20 12:37:52 |
|
مثل ضل النخل وياك ضليت
وعن دربك أبد مايوم ضليت
بغيابك رسما على الارض ضليت
ترد الروح من تسئل عليا |
|
| الاسم: |
Zaidselmi |
| التاريخ: |
2021-02-28 20:33:21 |
|
يا بيي بعد ما كنت على دروب أهل الحب خطي
وقعت بحبها وضيعت خطي
أبعتيلي كتاب والكلمات خطي
لبوس كل كلمة على الكتاب |
|
| الاسم: |
ابو محمد |
| التاريخ: |
2020-11-29 16:23:29 |
|
غسلت دياتي عطتني منشفتها
انكسر ظهري يعالم وقت شفتها
يبا نيالو ياللي اخد بوسه من شفتها
دخل جنات ربو بلا حساااااب |
|
|
|
يادنيا ليش ما عندك عدالي
اعز الناس صاروا عدا لي
حرام العنب يطلع ع دالي
ختيارنا و ماضل عنا نياب.
...........
يا حلوة ياريحة تزوري بتمك
إذا نقصك حسن حسنك بتمك
جعليني علكة السكليس بتمك
علميني وكزكزي على النياب
|
|
| الاسم: |
Ali |
| التاريخ: |
2020-01-14 23:02:46 |
|
عيوني من البكا زايد ورمها
وحجار الصم لزحنها ورمها
حنين غزالة تكرج ورا أمها
ترعا من النفل روس العشاااب |
|
| الاسم: |
أبو عزو |
| التاريخ: |
2019-12-16 02:17:49 |
|
غصون العمر عالهجران حنووووو
قسووو عليييي معمرن يوم حنوووووو
اذا هلعود زاد وبح حنووووو
تعلم من ونيني عالحباب
شعر أشقر على متونا عواذيب
خلو النار بقلبي عواذيب
كل ماليل ودعني وعوا ذيب
بفطن للقرب وي الحباب
جيت دياركم زورا ومرا
واشرب من دلالكم فنجان مره
المصاب لبييي ماصار بابن مره
ولاقاسى المئاسي والعذاب
حبابي الزمن عن عيني بعدهم
وتركني أشتكي اللوعه بعدهم
مهما تطول غيبتهم بعدهم
حبابي وماألي غيّرن حباب
|
|
| الاسم: |
ابن لتركمان |
| التاريخ: |
2019-11-26 21:10:01 |
|
بتركيا مالي شغل هم لخدوني
مالي عليهم عتب عتبي على عيوني
دخيلك ياقدر عنهم لاتمنعوني
اسري وراهم ودمعي بعيوني
قلبهم من جبل صوان راحو وعافوني
ونظراتهم طلق رشاش وعلى لارض رميوني
تعال يمي ياذيب وشوف لتركوني
.......أحمد الحزوري...... |
|
|
|
يابنت علي صوت سمعيني حرفك
تعالي لحضني وحرفك خليني نام حدك وخلقك نساني الهوه مع ناااااي حرفك |
|
| الاسم: |
ابو يعقوب |
| التاريخ: |
2019-02-12 19:47:01 |
|
لك يا بنت هاتي السمكات تنقلي
حاجي جرار من النبعة تنقلي
ولك ازا بل فحص بدك تنقلي
بأيدك اشري للشباااااب
|
|
| الاسم: |
ابو يعقوب |
| التاريخ: |
2019-02-07 02:30:21 |
|
صار الوتر عم يبكي عريش سألت الولف بغيابي عر شي
يا ريتنيبيتك عريشي حتى تقطفي عنا العنب
|
|
| الاسم: |
أنس |
| التاريخ: |
2019-01-25 12:25:23 |
|
| روعات العتابا |
|
| الاسم: |
محمد |
| التاريخ: |
2019-01-22 21:43:42 |
|
روعة لعتابات
|
|
| الاسم: |
Řãĥéèł ŵåŝšõù |
| التاريخ: |
2019-01-03 15:52:32 |
|
تعي تنحيي لذكر الله نسمي
احترقنا ولا وهبنا الريح نسمي
والله انا ضيعتي 10000 نسمي
عليَّ ماحدا ناح ونداااااب
|
|
| الاسم: |
Řãĥéèł ŵåŝšõù |
| التاريخ: |
2019-01-03 15:51:11 |
|
تعي تنحيي لذكر الله نسمي
احترقنا ولا وهبنا الريح نسمي
والله انا ضيعتي 10000 نسمي
عليَّ ماحدا ناح ونداااااب
|
|
| الاسم: |
Zafer bolos |
| التاريخ: |
2018-12-27 17:56:41 |
|
قمر يا عيني كل هلة يسلني
ليش دموع عيني يسلني
قلتلو يا قمر هالكان يسلني
غوطر من امس مرة وغاب |
|
| الاسم: |
ابراهيم |
| التاريخ: |
2018-12-25 03:08:57 |
|
نوح الكون متقارن بنوحاي وهمي من
جبل صخرووو ونوحاي السفيني لسارت
ومشية بنوحاي سارت من
طيف دمعي ع لحباب |
|
| الاسم: |
Abo Rohy |
| التاريخ: |
2018-12-06 22:36:01 |
|
قال الولف راح الولف راح يا بابا عمرو
عمرو أبو روحي ما عمل الشينات يا بابا عمرو
و الله بحييكي يا احلى الظيع يا بابا عمرو
و بحيي فيكي الصبايا و الشباب |
|
| الاسم: |
أبو الجود الحموي |
| التاريخ: |
2018-12-04 14:26:03 |
|
ازا مات وردك ماتفلي
دخيلك ياحلوة من قبالي ماتفلي
ازا شعراتك الحلوين بدياتي ماتفلي انا بفليون برموش الهداب |
|
|
|
شق باب بيتكن نص شقة
لانك دخلت ع دار متعبي وشاقا
انا ولك بعمرلك شقة
وع كيفك فصل لبواب😍 |
|
| الاسم: |
محمد |
| التاريخ: |
2018-10-11 22:51:22 |
|
| روعئ الله يقويكون |
|
|
|
بنات اليوم
بنات اليووم هل لبسهن ع القصير
ويطعم الحلو بي تمي علق صير
والله لابد مانرجع يا اهل حمص ع القصير
ونشوف الغوالي ولحباااااب
|
|
| الاسم: |
محمد ايبش |
| التاريخ: |
2018-09-01 18:04:11 |
|
| بجننو ولله احساس عالي يسلم تمك |
|
| الاسم: |
حمزة مصطفى ابوطالب |
| التاريخ: |
2018-08-23 09:52:45 |
|
بعمري ماكشفت حظي وفالي
ماشفت بدنيا واحد وفالي
غير دمع ماحد وفالي
صرت عض الاصابع عانياب |
|
| الاسم: |
عمار |
| التاريخ: |
2018-08-14 21:42:18 |
|
| كلام رائع |
|
| الاسم: |
ahmada |
| التاريخ: |
2018-07-30 10:32:57 |
|
هتولي لحبها البي وردها..
تأسقي بدمعت عيوني وردها..
ابوها يصدها عني وردها ..
قلولو تذكر سنين الشباااب |
|
| الاسم: |
ابن اللاذقية |
| التاريخ: |
2018-07-30 00:17:13 |
|
الا يا هاجر الديرة ثم الحااي
غيابك بيّض عيوني ثم لحاااي
ياريت شربت من يدا سم الحاي
ولا بايدا لوحتلي عالغياااااب
علامك يا ضيا عيني تشِلهم
وبعدك صغير وماحلك تشيل هم
لك علواه لاعدائك تشلهم
وانت بمعركة فيها الطفل شااااب
يلي القمر لولاك ما يتم
هجرتني وجعلت بالقلب ميتم
والله دجلة والفرا وسيحون ميتم
ما وازوا ربع دمعي عالحبااااب
انا بحبك انا بعبد سماكي
نحيلة خصر ما عندك سماكة
لك جعليني في بحر حبك سمكة
صيديني برمش عينك والهدااااااب
انا من بكى من عن من ناح
انا اللي كنت للخيرات مناح
والله ويا طير لو مريت من ناح
ديرة اهلي سلم عالحباااااب
سالتا ليش اسم الله تتلين
قالتلي يا قاسي القلب تتلين
سالتا ليش كأس الخمر تتلين
قالتلي غيبتك هي السبااااب
انا بكيت القلم والحبر والنون
على ونيني دياب البر ونون
انا بكيت البر والبحر والنون
الببطنو عاش يونس بلا تيااااااب
|
|
| الاسم: |
محمد ايبش |
| التاريخ: |
2018-05-10 21:09:29 |
|
| حلوي كتير تسلمو |
|
| الاسم: |
فلان |
| التاريخ: |
2018-03-15 19:31:08 |
|
قل والله حبابي سافرو و محدا معهون
وانا حبابي على غابي محد دام معهون
لك يالله يا ريتني بجنبهن وامح دمعهون
بلكي بمحي دمعة الفراق والغياب
———————————————————————
قل انا بنص الليل شميت ريحة وردهوم
لك ولانهم الي خانو والله لأجلك لخون وردهوم
لك وتاريني سهران لنص الليل وناطر واردهم
عل فيس والواتس اب
—————————————————————————
ولك يا ابو فلان يا غالي
يلي حبك صلتي برحمي لغالي
لك والله لأجل عينك لأبيع كل رخيص و غالي
وما خليك تعتب عالبواب
——————————————————————————
ولك يا ابو فلان يلي بعمرك ما رفعت علم ولا راي
انا قلت انت يا ابو فلان وانا ما ببدل كلمتي ولا راي
لك والله لأجل عينك لبيع السركيجيلار و الاراي
واشتري فيهم شوف الحباب
————————————————————————
السركي جيلار والاراي اسماء معامل |
|
| الاسم: |
ىامي |
| التاريخ: |
2018-01-26 12:01:19 |
|
الحلوي لبحب ناديله بسمها لجلها لبلع الحيه بسمها
طلبته وافقو اهلى بس امها لعيني سكرت بوشي لبواب |
|
|
|
| أنا شجرة وفى خضرة وراقي معشري طيب وراضي وراقي لك انا على رف المكتبة بجمع وراقيلأحلى شباب وثائر بألف كتاب |
|
| الاسم: |
ابراهيم حسن المرسومي |
| التاريخ: |
2017-12-17 19:54:35 |
|
عليك العين مابطل هملها
وليالي الفرح دلالي هملها
عليش مساهرةالونسةهملها
حزن مثل قلبي عالاحبااااااااب |
|
| الاسم: |
ali |
| التاريخ: |
2017-12-06 20:57:12 |
|
كل الناس بتشوفا مصالح
فيهن الحسن وفيهن مصالح
أنا متل الزيرحالف مصالح
الا ارتوي من ريقك و العاااب
|
|
|
|
| كلام من القلب عيني رب الشباب |
|
| الاسم: |
أبو فيصل |
| التاريخ: |
2017-11-26 17:13:50 |
|
طلعت شمسنا من الشرق حمرا
وروس سيوفنا من الدم حمرا
والله ياغالي لأقتل عدوك بأرض حمرا وخلي الدم جاري للكعاب |
|
|
|
انا لعينك أهل بيتي لأقاطع
لاواصل خيط عشرتنا و لا اقطع
اندهيلي من قاطع لقاطع
بجيكي متل عنتر للحراب
***********
العذارى عيونك الحلوين حيوا
لأنهم ميتين الحب حيوا
الورد لو تدعسي عاطراف حيه
بيصير يقول طعموني تراب
**********
اوعي تزرعي بقلبي البلابل
بخاف الخد بدموع البلا بل
عشقت كرمالك رفوف البلابل
لأنه بصوتهن لحن الاحباب .
**********
علي الرب بالحلوين أنعم
و تركني بمرتع الغزلان إنعم
و عنق من صابيع الطفل أنعم
حرام تسمت عليه التياب . |
|
| الاسم: |
مهنا مرعي |
| التاريخ: |
2017-09-28 02:07:39 |
|
علينا على عدوينا علينا
عانا علي عالدهر عابس علينا
عاد علي عاد علينا
عاد علي عيد عالحبااال |
|
|
|
والله كفاني هجر منك كفاني
عشقتك وصرت من بعدك كفاني
والله انا لو كنت داخل كفاني 🤕
بحيا عصوتك من تحت التراب يويلي ❤
|
|
| الاسم: |
نجم الدين |
| التاريخ: |
2017-08-15 18:16:31 |
|
| الله الله روعة |
|
| الاسم: |
محمد |
| التاريخ: |
2017-07-09 04:43:39 |
|
شفتج بالمراية كانج اميرة
ومن صغر سنج سموج أميرة
و أنا بقلعتي لأحمي أميرة
أميرة الحسن با كل الأطياب |
|
|
|
حبيبي اللي انتهى من العمر حدو
على غيابو عيوني كتير حدو
ابحشولي قبر حتى نام حدو
جريمة تفرقوا بين الحباب |
|
| الاسم: |
ابو نضال الجسري |
| التاريخ: |
2017-06-26 22:18:47 |
|
...........(عتابات مركبة)............
*****ابو نضال الجسري*****
قلتلي يا ريتك يا ابن سوريا ما تموت
قلتلا يا ريتني في صلاة الحب موتموت
ويا ريتني علا صدر ولفي موت موت
وما بدي يدفنوني بلطراااب
ـــــــــــــــــــــــــــــــــــــــــــــــــــــــــ
قلتلي محلك تموت يا غالي محلك
ومافي شخص لحضيني مح لك
ووقت تموت يا نبضي محلك
جوا القلب بينا لهدااااب 😉
ـــــــــــــــــــــــــــــــــــــــــــــــــــــــــ
قلتلي دوبتني ماي سكر
قلتلا بابك بوجهي ما يسكر
وقلتلا كاس العرق بي عمرو ما يسكر
الله خلق في صدرك شراااب☺
ـــــــــــــــــــــــــــــــــــــــــــــــــــــــــ
قلتلي دخيلك شراب من صدري شي لترين
قلتلا ووتار عودك علا قلبي شو لترين
وقلتلا لو هم قلبي علا قلبك شال
الف قلبي عن السكة نقلاااب
ـــــــــــــــــــــــــــــــــــــــــــــــــــــــــ
قلتلي انا لترين بي قلبي وسكتو
قلتلا ياما بحربي خرسو ترا شعار وسكتو
والله وحرم المدمن يشرب وسكتو
بشعري ترا نشوان الشراب
ـــــــــــــــــــــــــــــــــــــــــــــــــــــــــ
قلتلي القمر عا غير الولف شعر
قلتلا شعري عظم السبع شعر
وقلتلا انا بغزل العنب ياما غلبت شعار
الفرزدق راح يحكي للمنتجااب
ـــــــــــــــــــــــــــــــــــــــــــــــــــــــــ |
|
| الاسم: |
ابو نضال الجسري |
| التاريخ: |
2017-06-24 19:15:14 |
|
سالتم عن شعر السبل وجاعيد
مـتـل شـعـر لـمـبـرم وجـا عـيـد
الـف عـيـد مـنـي مـرو واجـا/عـيـد
وبـعـدنـي بـعـيـد عـن اغـلا لـحـبـاااب😓 |
|
| الاسم: |
ادلبي ضاغطهم |
| التاريخ: |
2017-05-03 15:24:15 |
|
لك بنيتي عل قلب قلعة متنهار
ودعيتي دمعة عيوني متنهار
والله ازا بقعد انا قباليك
لك مية نهاار مابشبع من رموشك ولهداب |
|
| الاسم: |
ابو الوفا |
| التاريخ: |
2017-04-27 20:32:30 |
|
كنا اصغار عم نبكي على امنا
صرنا كبار من حي علمنا
الله يرحمك ابو عمار يلي علمنا
الشهامة والشجاعة والاداب |
|
|
|
الطير المفارق شجرتو ينده ي عودي
يبعتي مرسال لقلبي ياعودي
والله سألت وين الفرح بأوتارك ولك يعودي
قلي الفرح بوجود الحباب |
|
| الاسم: |
Yazan |
| التاريخ: |
2017-02-20 03:28:41 |
|
يا رايحة عالنبعة بدك تملي بريقيك
فنجان القهوة المر حلي بريقيك
لك لما طليتي ولمع بريقيك..
طارت العقول من الشبااااب |
|
| الاسم: |
حلب الشهبا |
| التاريخ: |
2017-02-03 14:49:14 |
|
وحق الي بده القرأن بسمه
تركني وضاعت من اشفاي بسمه
القلب ماصاح بسمي صاح بسمه
لان هو القلب والروح اليه
.
.وحق الي بده القرأن بسمه
تركني وضاعت من اشفاي بسمه
القلب ماصاح بسمي صاح بسمه
لان هو القلب والروح اليه
.
.كلمه ks112233وحق الي بده القرأن بسمه
تركني وضاعت من اشفاي بسمه
القلب ماصاح بسمي صاح بسمه
لان هو القلب والروح اليه
.
.البارحة بالحلم ..
جني الهلي رديت
ومابين ناسي كعدت ..
جن سولفت وابجيت
ريت الحلم ماكضه ..
وريت انا ما فزيت
ضاع العمر غربه ..
كلمن مشى بدربه
بين علي الكبر ..
واشتاكت اعيوني
وين الاحبهم جنت ..
وجانوا يحبوني
من كثر صب الدمع ..
ماضن يعرفوني
دنيا وعلي صعبة ..
كلمن مشة بدربه.
....................................البارحة بالحلم ..
جني الهلي رديت
ومابين ناسي كعدت ..
جن سولفت وابجيت
ريت الحلم ماكضه ..
وريت انا ما فزيت
ضاع العمر غربه ..
كلمن مشى بدربه
بين علي الكبر ..
واشتاكت اعيوني
وين الاحبهم جنت ..
وجانوا يحبوني
من كثر صب الدمع ..
ماضن يعرفوني
دنيا وعلي صعبة ..
كلمن مشة بدربه.
.................................... |
|
| الاسم: |
محمد احمد عامر |
| التاريخ: |
2017-02-02 19:04:22 |
|
اخوتي الاحباء لماذا لم ينشر بعض ابيات العتابا يرجى الرد على هذا الموضوع وشكرا
اذا عم ازعجكم بطلع من الصفحة فورا شكرا |
|
| الاسم: |
محمد احمد عامر |
| التاريخ: |
2017-02-01 22:33:53 |
|
ظريف الطول عجبني بظرفو
وغيابو كان متعلق بظرفو
ومع الساعي بعتلو بظرفو
رسالة مسطرة بدمع العذاب |
|
| الاسم: |
محمد احمد عامر |
| التاريخ: |
2017-02-01 22:32:33 |
|
ولفي زمن حبو لو عصرتو
حملتو بالمحبة لوعا صرتو
كيف ثوب المبلل لو عصرتو
عيوني عم بتعصر عالغياب |
|
| الاسم: |
محمد احمد عامر |
| التاريخ: |
2017-02-01 22:31:24 |
|
حبيبي كلما جيت المسا تعين
فؤادي كون لقلبي المستعين
حضنتو قبلت تمو المست عين
الولف بالرمش رمش العين ذاب |
|
| الاسم: |
محمد احمد عامر |
| التاريخ: |
2017-02-01 22:30:12 |
|
لازم بالبيت عندي تتمي
لانو في بعد النا تتمي
بدي ضل عم بوسك تتمي
يخدر من شفافك والرضاب |
|
| الاسم: |
محمد احمد عامر |
| التاريخ: |
2017-01-30 22:37:23 |
|
حبيبي الكنت لقلبي عدو والي
مريض وما سألي عدوا لي
ختير عنقود عمري عالدوالي
فراقك خمش خدود العناب |
|
| الاسم: |
محمد احمد عامر |
| التاريخ: |
2017-01-30 22:33:34 |
|
خمر عينيكي بيسكرني قليلو
وجمرك للصخر قلبو قليلو
ربي اللي كونك روحي قليلو
عنا يرد سمر الهداب |
|
| الاسم: |
محمد احمد عامر |
| التاريخ: |
2017-01-29 23:55:19 |
|
بعد ما لفني بمهدي حرامي
هواكم بالشعر حلل حرامي
وما بعرف مين منكم حرامي
سرق قلبي بلحظات الهداب |
|
| الاسم: |
محمد احمد عامر |
| التاريخ: |
2017-01-29 23:53:32 |
|
اتتني تشتكي من الضم علم
وسهم عينا بحنايا الصدر علم
ابوها درس للعشاق علم
ونسي يدرس على بنتو الكتاب |
|
| الاسم: |
محمد احمد عامر |
| التاريخ: |
2017-01-28 21:07:20 |
|
حبيك لو ظروفو كثير دقو
لعب دق الهوى وربحان دقو
كثر ما نهودك الفستان دقو
ل دق النجم بالتاني وقلاب |
|
| الاسم: |
أبو محمد¤القردحلي¤ |
| التاريخ: |
2017-01-17 18:06:55 |
|
| سوريه معجزه والأسد سرها من غيرو للأمه سرها ودروب النصر يا قائد سرها ولا تنسى يوم خانوك العرب |
|
|
|
انا لنوح نوح الديب ع جراي
وامشي مع مسير النهر ع جراي
سودة ع الليالي شقدر عجراي
عقب ما شيلو ضعون الحباب |
|
|
|
ان عطوني قصر كسرة و متن خضرة
ما ببدلهن بمرجة سهل خضرة
و رموش مكحلة و عينين خضرة
ان اجت عالصخر قلب الصخر داااب |
|
| الاسم: |
بحر الحزن |
| التاريخ: |
2016-12-06 19:32:25 |
|
يا قلبي من هموم الدهر مليت
محاوير ضمن القلب مليت
والله عشر كاسات من مدمع العين مليت
وكتر ماناح قلبي عالحبااب |
|
|
|
| يا عين هلي دمع يا قلب ونبس توب ياعين هلي دمع ويقلب ونبس توب كل ساعة بيتي خلص يا ولوا كل يوم طفل يموت شباب متل الورد شلوها بلتبوت جوامع مساجد جاهة الضرب وتهدمت لبيوت يمة ناس بتركيا سكنت ناس سكنت بيرووووت |
|
| الاسم: |
كرم حنا |
| التاريخ: |
2016-10-07 12:22:15 |
|
يابنت تعي لجنب مني وبركي.... توبي تمظق خيطيه بابركي ...يا ريت قبري يكون بجانب ابركي...تهد حيط لمنفصل بيننا
|
|
| الاسم: |
Zafer bolos |
| التاريخ: |
2016-09-28 14:57:09 |
|
انا والليل ثم الكاس والناي
لخلي يسمعو العزال والناي
حسبت حالي زعيم الكون واني
ضعيف كتير عفراق الحباب |
|
| الاسم: |
Zafer bolos |
| التاريخ: |
2016-09-28 14:56:00 |
|
ابيات عتابا بتجنن
|
|
|
|
نطرت الليل عم اسهر ورا دار
الحبيب ومدمعي دورا ورا دار
عمدخل بيتها حاجز ورادار
الهوا ممنوع يدخل علبواب |
|
| الاسم: |
احمد سمير |
| التاريخ: |
2016-08-30 21:31:08 |
|
ازا الفساد اجاكن وحى إلكم
هاد بسبب مشكلتي و حَلكم
اصبحت غريق بطينة وحِلكم
ياريت المطر ما خلط بالتراب
https://www.facebook.com/Ataba.Mijana/ |
|
| الاسم: |
طلال اغا |
| التاريخ: |
2016-07-31 12:17:01 |
|
| يسعدلي ربكن شو قلبي حبكن شو هاددددددد |
|
|
|
اخ ومية آخ
الصخر لصم لويبكي رسالة
ماعمرو مركب بحرك رسى
لك عقبري لوتبعتيلي رسالة
لشق لكفن واقرأ لكتاب
|
|
|
|
نحي النقاب لكي اري هزا السما من حسنك الخلاب حقا يا سحر
فالوجه بالشرع ليس محرما وسلي المشايخ بالبوادي والحضر
قد سكنت قلبي اذ شفتك صدفة بين العذاري وكنت احلي من سكن |
|
| الاسم: |
محمد محمد |
| التاريخ: |
2016-03-25 16:28:21 |
|
سلبتي الروح من صدري عفاكي
نحكمتي و من حكم مبرم عفاكي
وغلط مرة النحل وحوم عفاكي
وقع دايخ بأحضان العشاب |
|
|
|
| لاتعشقيني بعينكي ربما تجدي اجمل مني يوماً ما ولكن اعشقيني بقلبكي ف القلوب لا تتشابه ابداً |
|
|
|
جيدد جدااااااااااااااااااا
|
|
| الاسم: |
ميار |
| التاريخ: |
2016-03-02 18:14:57 |
|
| شي رائع |
|
|
|
طول الليل عم نقر ع بابكو
ستوااا الرمان داخل ع بابكو
مثل الطفل ع عصديرا ع بابكو
ودخيل رب الي فصل هالثياب
|
|
| الاسم: |
mahmud |
| التاريخ: |
2016-02-07 21:05:46 |
|
| رررررررررررررررااااااااااااااائع |
|
| الاسم: |
Omran |
| التاريخ: |
2016-02-06 23:53:07 |
|
كلام الطيب لحبابي بسرهم
ودروبن ما حدى غيري بسرهم
عيون السود لو باحو بسر هم
سهام القاتلي بتصبح قصاااب |
|
|
|
قلولي خلص راحت انسها
وانا عقلي بروح لها ان سها
قلت لهم ان اجتمعو جان الارض وإنسها
عن حبها م بحيد اببد |
|
|
|
اعز الاصحاب غدرو فيي وبعوني
وانا يل طول عمري اعينون بعوني
بس بغدرن للدنيا اكثر بوعوني
نسيتون ودفنتن تحت الترااااب |
|
| الاسم: |
سعيد المحيي |
| التاريخ: |
2016-01-14 00:07:03 |
|
شو بتريد مني لعينك
إن طلبت دمي لعينك
لوني مالك هالدنيه لعينك
امير على الصبايا والشباب |
|
| الاسم: |
husam |
| التاريخ: |
2015-12-28 19:42:20 |
|
| حبابي القدر.عن.عيني.بعدهم.وتركني.اشتكي اللوعه بعدهم.بقدر.ما.يبعدو.عني.بعد.هم.حبابي.وما.ألي.غيرهم.حباب |
|
| الاسم: |
عمر قاسم |
| التاريخ: |
2015-12-24 19:59:50 |
|
عل البال ابد ما راح طاريكم من البال
بجيت وهرين ثيابي من البال
وصرت مثل تايهتن من البال
تحن وعل الولف تلفت ركاب
|
|
| الاسم: |
علاء |
| التاريخ: |
2015-11-22 13:55:55 |
|
احباب القلب وين ما راحو يحلون
وعزة الله هم لهمومي يحلون
وكاس المر للمبسم يحلون يصبح كاس طيب للشراب
|
|
|
|
تركوني تحننو عليي بكوني انا انسان متعذب بكوني كتر ما بكيت وحبابي بكوني نبت ع ريف عينيهم عشاب
|
|
| الاسم: |
يوسف |
| التاريخ: |
2015-09-28 12:57:32 |
|
ياريت في احلو
|
|
|
|
برمت الكون مالقيت عدالي
ولجلك الناس كلها صارت عدالي
انا الي ربيتك متل عنقود عدالي
استوى وصار لغيري العنــآب
------
مرضتي وسهر قلبي ع شفاكي
وسحري بالعتابا عاشفاكي
والحيايا لو تربو ع شفاكي
سمومهم القاتلة تصبح شراب
-------
ان نكرتو البحر بتكونو ملحدين
انا الي عطيتكم من قلبي ملح دين
ردو الدين وين الجواب
-------
يآذيب يلي تنده عويلك انا ياديب هدهدني عويلك
انا الي ضميت ويلي ع ويلك
وماشفت من العمر الا حسرة وعذاب
-------
سرغآني انا بقلبي البحر سآكن
كما القمر بعب السمآسآكن
الله يسعدكم ويسعد مساكن
اهل الطيب ونخوة العرب
--------
الشوق لسوريآ رجعنا وردنا
على نبع الوفآء فيكي وعدنا
من بعد غياب عنك جينا وعدنا
وطاب الموت فيكي يا تاج العرب
..
تحيآآآتي .. فـ’ـآرس السرغآني |
|
| الاسم: |
ابو بحر |
| التاريخ: |
2015-07-26 12:37:05 |
|
| يا نسر الاسد شق الغيم واقلع .. وعمر سوريا حصون وقلاااع ... ابو حيدرة بيض التاريخ واقلع ... جذور الشر من ارض العررررررب |
|
| الاسم: |
اب بحرو |
| التاريخ: |
2015-07-26 12:34:12 |
|
| اووووف يا نسر الاسد شق الغيم واقلع ....وعمر سوريا حصوووون وقلاع .....ابوحيدرة بيض التاريخ واقلع ...جذور الشر من ارض العررررررب |
|
| الاسم: |
أبولونا |
| التاريخ: |
2015-05-27 19:35:10 |
|
| صرت من نص صافيتا عم اسمع بكيا شفافا جمر حرقتني بكيا ولك اجتني بمارسيدس واجتني بكيا وأنا مشحر ماعندي بيك أأأأب |
|
|
|
انتي الورد والجوري لو خيروني بالذهب اقبل وجودي
انتي زهرا انتي نبتة وجودي بحفظك من كل الذئاب
امان امان |
|
| الاسم: |
أبووحيد/السوري |
| التاريخ: |
2015-05-02 01:40:37 |
|
تعالي نقسم هالقمر نصفين
وكفاناعالبعد نزعل ونصفين
ومازال نص القمر معك ونصفين
أحتفى وماعاديظهر بسحاب |
|
| الاسم: |
حذيفةا |
| التاريخ: |
2015-04-12 22:52:42 |
|
يسلم تمك
|
|
|
|
احلا عتابا واحلا مؤلفين واحلا عالم يا شباب
|
|
|
|
~
انا وليل ودموعي تراكم
عساها عيوني بيوم تراكم
شهور سنين غيبتكم تراكم
وحلكم الرجوع من الغياب |
|
|
|
يا سمرا امري بطاوع امركي
ونبضات القلب قلبك امركي
برضا يكون بيك امركي
لأحلف بالدولار وبالجناب |
|
|
|
انا السمر بعد الله دخلهم
تجار الذهب زايد دخلهم
سمع رضوان بالجنة دخلهم
تبرع يكون حارس على الباب |
|
| الاسم: |
ابو جواد |
| التاريخ: |
2014-12-19 21:57:13 |
|
يا دنيا غري غيري
ما عاد بدي غيري
اذا ما اجا عدنيا غيري
وكلت امري الى اللللللللللللله |
|
|
|
تعى ياحلو لنروح نزهة
لحتى نصير متل الورد نزها
جروحي بيدك زداد نزززها
دبحني كحل عينك والهداب |
|
|
|
ما اخطينا ولا عليكي جنينا
حرمتينا ورد اجمل جنينا
متل ما الام تشمشم جنينا
انا بحب شملك تياب |
|
| الاسم: |
ahmad |
| التاريخ: |
2014-07-22 06:23:06 |
|
| وجهك ياحلوة كل الحلالو...وقلبي غير حبك ما حلالو ...وان طل روحي صارت حلالو ....بعمري مارديتلو طلب |
|
|
|
| يا قاضي الهوى لحبي تسالي ... حبيبي يل كنت أنا الك تسالي... حبست الدمع بعيوني تسالِ...حفر وادين ع خدي تراب |
|
|
|
جفاكي زادني نوحي وردني
ومسحت الدمع ب كمي وردني
وكلما كتاب من يدك وردني
بعيوني بوس حروف الكتاب |
|
|
|
| اكو كلمت ضلع تنكال لصحبان.... بس انته الكلب ما يحتاج اكلك............ابن كركوك |
|
|
|
على نهجك مع الغزلان خطيت
بهواكي مستوى العباد خطيت
بكيت لما كتاب الشوق خطيت
حتى بدمعتي حرقت الكتاب |
|
|
|
كنت صغير عم انده ع بابهااا
وصرت كبير عم فتش ع بابهااا
والها نهدين ما يشقو عبابا
مناقرهم رح تشق الثياب |
|
|
|
| روعه وكلهو احاسيس ان رد تن تحبن غيرنا لا تحب اش من جان عنا بشرع الهوا حرام الحلو ينهان ولله حبيتك بقلب ضايع حبيتك بكل احساس صحيح التعب ضايع مع الي متلك ناس ........ |
|
| الاسم: |
محمد عامر |
| التاريخ: |
2014-04-22 22:54:30 |
|
احلى سلام لاحلى شعار
تحيات محمد احمد عامر |
|
| الاسم: |
محمد عامر |
| التاريخ: |
2014-04-22 22:37:55 |
|
احلى سلام لاحلى شعار
تحيات محمد احمد عامر |
|
|
|
غزال الغاب من نظرة هويتو
طلع عذاب حبابو هوايتو
قتلني وترك ع صدري هويتو
قاتل بالهوى كل الحبااااااااب
من اشعار الملك اسد غازي جد الفنان الكبير فؤاد غازي |
|
|
|
يا بوب الدار حنتلج مفاتيح
على الجانو مثل الورد المفاتيح
عليهم يجرن عيوني مفاتيح
على الدربين ملات العمى |
|
|
|
سهران طوال الليل عبابا اقرع
وشيبت شعر راسي خلتني اقرع
تحياتي لكم ياشبا من ابن الاقرع
وعسانا ما نفترق ليوم الحساب... |
|
| الاسم: |
ياسين |
| التاريخ: |
2013-07-04 22:52:59 |
|
| انا بالغزل في عندي هواية وجنحي عملتو للهوا هواية كتر ما نكتب عن قصة هواية عقيس وليلى ماعاد انكتب |
|
|
|
بيوت الهدماالهجان عمرا
عمرا ما تكون بيوت عمرا
انا بفديكم حبابي بكل عمراي
وبامي وبيي واخوتي الشباب |
|
|
|
لعيني من النور انتي حبه
ولغيرك ابن فلسطين ما حبي
انت عطول الزمن تبقي حبي
من اليوم ليوم الحساااااب |
|
|
|
يا راعي النوح دخلك يا راعي
من كتر مكاتيبي جفو يا راعي
وحبيبي ما كان يوم يراعي
انه لجروحي سبب |
|
| الاسم: |
أسامة عازف عود |
| التاريخ: |
2011-11-04 20:53:59 |
|
| مصير الكون الو يوم*ومهماقدمت اليالي قرب من هون*ردو يا بشر على خير بدل شر تهون بيوم رحلو لغولي ليوم لحساب |
|
| الاسم: |
سعود الأسدي |
| التاريخ: |
2010-09-06 04:57:47 |
|
ألشاعر الأديب
ابن العم الحبيب
سردار محمد سعيد
تحياتي لك ولجميع ابناء العمومة
سعدت هذا الصباح بقراءة كلماتك النيّرات
وبالنسبة لملاحظتك الرمضانية
فسآخذ بها في رمضان القادم
ولكن بوتيرة أشد!!
ههههههههههههههههههههه
ودمت مبدعاً مشرقاٍ
وكل عام والجميع عندكم بألف خير .
باحترام وإخلاص ومودة
سعود الأسدي |
|
|
|
ابن العم سعود الأسدي
تحياتي
يابه والله انته شاعر وشاعر قوي بالفصيح او الشعبي المليح بس يا خوي لو اجلت هل قصيدة لبعد رمضان تره احنه صيام شنو تريد تفطرنة بالكوة
دمت لنا وفي الاقل لو نوهت
القراءة بعد الفطور
تقديري |
|
| الاسم: |
عبد الستار نورعلي |
| التاريخ: |
2010-09-04 23:03:09 |
|
الشاعر الرقيق العذب سعود الأسدي،
يسلم فمك وأناملك على هذه الدرر المضيئة في عقد من ذهب خالص. لقد عديت بنا بحور الزجل الفلسطيني بأرق زورق يمخر بنا عباب المشاعر الجميلة.
دمت شاعراً مبدعاً
محبتي |
|
| الاسم: |
سعود الأسدي |
| التاريخ: |
2010-09-04 15:51:05 |
|
الأستاذ الأديب
الأخ محمود داود برغل
تحيات طيبة
لا أريد أن أكرر ما كتبته للأستاذ سلام نوري
وإنما أبعث إلى مقامك الرفيع
شكري الجزيل وبالغ احترامي ودمتم,
بإخلاص ومودة
سعود الأسدي |
|
| الاسم: |
سعود الأسدي |
| التاريخ: |
2010-09-04 15:45:08 |
|
ألكاتب والأديب الكبير
ألأستاذ سلام نوري
تحيات عاطرة
يكقيني أنا سعود الأسدي
بيت عتابا
أو أبوذية
أو موّال
ليوحّدني مع العراق وشعبه أبد الدهر .
وأما إذا مررت ببغداد
في حي فقير
وكان رجل عجوز على عتبة بيته
وغنّى لي بيت عتابا أو أبو ذية أو موّال بلهجتكم العراقية
فذلك كاف بأن افترش الشارع ، وأن تنهال دموعي على عرض وجهي فترفع منسوب المياه في نهر دجلة .
والحزين لست انا إنما الحزين والمسكين البائس هو من لم يسمع طول حياته بيت عتابا او ابوذية أو موّالاً باللهجة العراقية
آخ وألف آخ على اللي صار !!
وإخ وألف آخ من بؤس الجامعة العربية .
سلام نوري أيا أحلى سلاماي
بكل يومين لابعث لكْ سلاماي
وإذا غيلان في عصرو سلا مَيّ
تأنسى الرافدين أرض الخصاب
بإخلاص ومودة
سعود الأسدي |
|
|
|
أدام الباري نبض قلبك الشاب
الاسدي سعود المحترم
اهديك باقة ورد لعيون هذه الابيات |
|
| الاسم: |
سلام نوري |
| التاريخ: |
2010-09-04 13:40:02 |
|
إذا كنّ السّمكْ في البحر لاكنّْ
وعليكي سناني مرّ الصبر لاكنْ
وإنتي السبب في هالأمر لكنْ
أنا بعطي سبب غير هََالسببْ
***
أنا عابيتكو من يوم عَدّيتْ
خاطر والدِكْ يا بنت عَدّيتْ
وأيام الفراق كثير عّدّيت
وعلى طول العمر أجمع حسابْ
***
روعة وجمال
دمت |
|
.jpg)
