ثقافات              (العراق في متحف اللوفر ) امير المالكي 2010-01-14 قراءات: 10685 واني نايم.. بالحلم مريت فوﮒ اوربا طير .... فوﮒ كل بيوتها وكل كوخ مبني .... وفوﮒ كل شارع قديـــــم  شفت كل الدنيه ضحكه.. امطرزه اشفاف اليتيم وفوﮒ كل شارع اباوع ..اﻟﮕه كل الدنيه نجمه .. امطرزه اخدود الشوارع باوعت كل المناطق .. ماشفت لطفال فزت مايمرهم لحضه صوت الانفجار من اباوع .. الكه بتهوفن عاى ارسوم الخريطه يعزف الحانه الكتبهن حته من يعزف يئمن .. مايفز جدم الصغار وانه اباوع شفت واحد زرع شجرة .. وﮔفت ابعين الشمس تحمي شعبه غطه كل الناس ضلهه .. وانه اباوع شفت واحد راد يعبر .. موفقط شارع وﮔفله وﮔفوله الدنيه كلهه .. وحنه كلشي موبدينه .. حته ﭽفنه موبدينه وحنه من انريد نعبر حته من انريد نعبر .. يسحك الشارع علينه والدكاكين القديمه .. امجرحه امن الخوف وجنته الرقيقه وفوكهه اتراب واثر دمعه حزينه .. وجان يوميه الصبح بعيوني اباوع جف ذهب يمسح دكاكين المدينه .. يمسح اتراب الملل هاذه جف بغداد يمسح بالمدينه .. يترس الدنيه أمل هسه خايف .. رسموابعيني كصيبه .. أي كصيبه .. احتركت ابنار القذايف ورسمو اكبالي رسم جنح الفراشه .. حفّرت وجهه الشضايه ودرب فارغ حته من الناس فارغ .. بس عبايه اعله الطريق وجف غريب ايشكك اقماش العبايه .. وانه اباوع جتي يم عيوني قطعه !! ( متحف اللوفر ) دخلته .. ودخلت كل المتاحف ناس وكفت .. ناس سكتت .. ناس سجدت .. كلبي عتني وكلي ارجع كلي توب ناس صفنت عافت اللوحات كلهه .. التفتت اتباوع عليه لأن شافت شايل ابعيني العراق .. امن الجبل حد الجنوب العراق اشكد عظيم .. رايد اكتبله ابرساله .. عافو المتحف وراهم عافو الدنيه وراهم .. كامو ايباعون بيك وحنه شلناك اعله صفحه .. وماكو واحد يشتريك واني اباوع .. شفت خصر اوربا كصبه .. امزاعل ايام النطاق لاكن اوربا ابكبرها ابكل شعبهه .. كلهه احسهه اصير نقطه ابخارطة كاع العراق كون بس منخلي شارع .. ماتت الضحكه اعله كاعه .. وعايش ابكاعه الممات كو من نمشي اعله شارع .. حته من نمشي اعله شارع .. نصبغ الشارع حياة خلي ناخذ فد درس من العراق .. الصار كل الكون فوك اجفوفه خرزه العراق اشكد جبير .. مايرد فد يوم واحد .. من يدك جوعان بابه ايصير خبزه خلي نتصور وطنه انسان عايش.. لابس اثياب السلام والصبح فانوس يفتر.. يم شبابيج الظلام وخد جبير ابكاعه كل دمعه فرح .. أي .. فرح بدروبه سايل الوطن حساس شايل .. كل احاسيس العصافير الجميله هيه لحضه ابزقزقت عصفور ركز .. تلكه صفنة بدر شاكر .. جان من يكتب رسايل طبع بالعصفور روحه اتموت سكته .. بس يمر اكباله واحد .. من يشم ابجفه ريحت قفص شايل . الشــاعـــر امــيرالمـــــالكـي امير المالكي التعليقات الاسم: رسل النور التاريخ: 2013-02-17 09:36:29 كلمات تهز كل المشاعر.. دمعت لها عيني.. الاسم: امير المالكي التاريخ: 2012-05-15 20:17:16 دلال محمود شكرا لتواجدك المشرق الاسم: امير المالكي التاريخ: 2012-05-15 20:15:28 امل عباس انت الاروع والاجمل الاسم: امير المالكي التاريخ: 2012-05-15 20:14:45 فاضل الحلو مرورك اسعدني شكرا لجمال كلماتك ياصديقي الاسم: امير المالكي التاريخ: 2012-05-15 20:13:47 مهيمن الاسدي المميز وانا ايضا مشتاق جدااااا الاسم: امير المالكي التاريخ: 2012-05-15 20:12:09 رغد شكرا ياعزيزتي على مرورك الجميل الاسم: رغد التاريخ: 2012-01-08 13:51:22 راقي والله شعرك جميل من شاب في عمرك عاشت اليد التي كتبت هذه القصيدة الاسم: مهيمن الاسدي التاريخ: 2011-05-14 00:29:10 كم انت كبير يا صديقي اشتقت لك الاسم: فاضل الحلو التاريخ: 2011-04-10 02:05:51 امير المالكي نص باذخ بجمال صورته الشعريه احييك ايها العراقي البطل لك محبتي فاضل الحلو كاتب وفنان مسرحي النرويج الاسم: amal التاريخ: 2010-09-19 21:59:26 السلام عليكم اخي الشاعر امير المالكي سلمت يمناك على هالكلمات الرائعه لانها فعلا رائعه اختك الشاعره امل عباس الاسم: دلال محمود التاريخ: 2010-01-15 09:27:21 امير المالكي سلمت اناملك وهي تحيك تلك العبارات الرائعة قصيدة جميلة جدا,سيكون العراق احلى من كل اوروبالانه اصلا احلى ولكن الطغاة قتلوا جمالهالاصيل. لنبني العراق كل من موقعه وللنظفه من السراق حتما سينهض سلاما اليك ياصاحب الكلمة الحلوة الحرة الاسم * البريد الالكتروني تعليق * 5000