ثقافات              جزيرة الفقراء امير المالكي 2008-11-23 قراءات: 2612 من امشي مالي خلك ..  كل خطوه احسا عمر .. متكسر اجناحه  والراحه كطره ابمطر .. يعصرها غيم السمه .. ومن توكع اعله الدرب .. تتكسرالراحه ..  العوز بيه نهر .. كدامي صاير نهر ..  خايف اعبره صدك .. ويكضني تمساحه ..  تمنيت موتي ابجرف .. بس مامتت عالجرف ..  لن موتي بي راحه . اشراع السفينه اجه .. بس الفقر شككه ..  من هدن ارماحه .  تهت ابجزيرة فقر .. بيها الصبح هم عطش ..  ومن عطش شفته شرب .. بالكاس مصباحه . واحد ابكاعه ثمر .. بس جفه يحصد تعب .. واحد مشاف التعب .. وبجفه تفاحه . واحد زرع طيبته .. وماشاف كلشي طلع .. واحد ابد مازرع .. بس شاف قداحه . عمري انه شايب كضه .. وشفت اعله الضهر العمر .. طعنات سفاحه . هسه انه حالي مثل .. يستان لمن عثر .. ماشاله فلاحه . تعبان شايل حمل .. شعب اعله راسي كعد .. ولمن طحت من صدك .. يادنيه جيتي علي .. جكليت طشيتي . وحلمت اجاني الفقر .. جوعان حلك الفقر .. فزيت من الحلم .. ماكل سكف بيتي . وفوكايه بيتي انهد .. وكدامي والحد شفت .. بس ماصحتله يجي .. ابروحي انه عزت نفس .. ماتقبل اصيحه شافاني عيدي اختنك .. والعيد من اختنك .. شهكت مراجيحه والفقر صاير سهم .. وتدري انته من ينطلق .. مايخطي نيشانه ميت عشت دنيتي .. وكل ثانيه اطش حجر .. واليومك لمن يجي .. يتكير اعله الدرب .. من جام حيطانه . مركب صعته وغرك .. والعله مو بالبحر .. جيف اعمه سفانه .. اشتترجه لو بس شفت .. فلاح يزرع عطش .. بشفاف كيعانه . لحسين لمن عطش .. عباس مر لنهر .. لاماترس جربته .. عباس شال النهر .. من عطشو اخوانه . وهسه انه لمن طحت .. صح همه اجوي ركض .. بس جوي دفانه . امير المالكي التعليقات الاسم: وسام جعوب التاريخ: 2009-08-10 08:15:25 من امشي مالي خلك .. كل خطوه احسا عمر .. متكسر اجناحه والراحه كطره ابمطر .. يعصرها غيم السمه .. ومن توكع اعله الدرب .. تتكسرالراحه .. الرائع أمير المالكي.... عندما اتحدث عنك تعجز الابجدية وحروف البوح تحيـــاتي.... الاسم: اميرالمالكي التاريخ: 2008-12-27 15:29:49 اشكرك جدا على كلماتك الجميلة وعلى مرورك الكبير وأتشرف بكلماتك الرائعه يارائع تحياتي لك الاسم: عبدالحسين المالكي التاريخ: 2008-12-18 10:56:52 تحياتي لكل الشباب المتئلق وخصوصا امير بني مالك وامير الشعرالشعبي مستقبلا واخير ارجوا منك المزيد بس اخشى من الشعر الشعبي عليك يزيدك كبر وانت باول المشوار التوقيع عمك الاسم: اميرالمالكي التاريخ: 2008-11-25 21:43:39 اشكر والدتي العراقية فاطمة العراقية على مرورك الكريم واشكر كلماتكك الجميلة التي تحمل لون الصفاء لون السماء لون روحك النقيه . تحياتي الاسم: فاطمة العراقية التاريخ: 2008-11-25 21:11:34 تمنيت موتي بجرف ..بس مامتت عالجرف .لن موتتي براحة .الف سلامة لولدي العزيز امير الورد .صدق انتم ملح الكاع الباقي والوشلة الحلوة مثلك وامثالك انتو تبنون العراق الجديد هو هذا المطلوب .. تعيش التوجعات الجميلة التي تنم عن حس رقيق . وعذوبة شعبية عميقة . الاسم * البريد الالكتروني تعليق * 5000