ثقافات              طالب المجنون امير المالكي 2008-11-08 قراءات: 2387 الى شخص مجنون أسمه طالب كان يبحث عن الوطن في أوقات عصيبة جدا  وبعض الناس العقلاء لايبحثون عن الوطن ولا يسألوا في أي مكان يعيش جان صافن كلشي صافن  والضجيج اينام سكته  ابنص تجاعيد الدرب  وجانه يوم اجدامه تركض .. شايل ابجفه حرب نعم هسه انطلق صوت اول رصاصه ومات هسه اول طفل لم عمره درهم رايد ايحصل ملابس ... صاغ كل الدنيه قاصه وناس تفتر خايفه اتدور مكان هدت نار الحرب لاكن بقه جف دخان يفتر ... فكس اعيون الأمان وطلع طالب .. طلع من بين الخرايب رايد ايحدد مصيره طالب امخبل نعم بس كله غيره طشر اهمومه اعله هاي الكاع نجمه طالب امتيه شخص مانعرف اسمه راح دور كل مدينه ابكل زقاق كام يفتر يمسح اتراب الشوارع رايد ايشوف العراق كام يركض طالب ايصيح عراق ... عراق... عراق وشافه طالب يفتر ايدور رغيف ايريد لطفال المدينه ايريد خبزه كعد ايتام المدينه اعله الخريطه وهوه كاعد عالرصيف وجته لحضه اشلون لحضه انرسمت الدمعه على اعيونه تعب دور اجيوبه العراق فارغه اجيوب العراق ومالكه اثار الشعب - هايطالب وين راح ؟؟ - وكله يرسم.. يرسم التابوت الك خشبه جبيره هيج ناســــك.. مايهمهم انته ميت انته عايش على تابوتك تخط مات العراق ونته عايش تبقه عايش تجي ساعات انه شوفك .. كون يضحك اوتجي ساعات انه شوفك علك ملتف اعلى شباج الحسين وكف طالـب .. على وجناته تحط دمعه يتيمه راح يركض .. جانه شايل بـــــيــــده دجــــله نفض اثياب الــــعـــراق وغسل اجروحه القديمه هاذه طالب ... مات طالب مايحب كلشي اسمه عازه وماتجرأ ينضر ابعين العراق حته بالتابوت غمض لأن حس يمشي العراق ويه الجنازه   امير المالكي التعليقات الاسم: مينآس محمد التاريخ: 2010-10-21 14:35:56 راح دور كل مدينه ابكل زقاق كام يفتر يمسح اتراب الشوارع رايد ايشوف العراق ....... آلله أمير عآشت إيدك الاسم: اميرالمالكي التاريخ: 2008-11-22 09:05:39 اشكر الاستاذ والشاعر الكبير ابداعا الانسان الشفاف رحيم الغالبي هذه شهادة اعتز بيها الاسم: رحيم الغالبي التاريخ: 2008-11-21 21:59:29 كعد ايتام المدينه اعله الخريطه وهوه كاعد عالرصيف وجته لحضه اشلون لحضه انرسمت الدمعه على اعيونه تعب دور اجيوبه العراق فارغه اجيوب العراق ومالكه اثار الشعب رائع حقا ومجدد كما قالت الاخت فاطمة العراقية والاخرين لغة ومفرات تم اختيارها من معاناة صادقه حقا ومات هسه اول طفل لم عمره درهم رايد ايحصل ملابس ... صاغ كل الدنيه قاصه وناس تفتر خايفه اتدور مكان هدت نار الحرب لاكن بقه جف دخان يفتر ... فكس اعيون الأمان وطلع طالب .. طلع من بين الخرايب رايد ايحدد مصيره طالب امخبل نعم بس كله غيره صور شعريع من ارقى شعر الحداثق لايوجد تقليد واساف كما نجده عند الكثير من على الفضائيات او الصف شاعر موهوب ومبدع حقا متبل زاهر امك لانك بحق شاعر متمكن رحيم الغالبي مدير مجلة انكيدو القافية الحرة الاسم: اميرالمالكي التاريخ: 2008-11-09 21:54:52 وأشكر الأخت سرى القريشي على كلماتهاالجميله الذي وضعتني امام مسئوليه أنشاءالله اكون عند حسن ضنكم الاسم: اميرالمالكي التاريخ: 2008-11-09 21:52:16 أشكر الأخ والصديق المبدع الجميل علي الحمزه وتمنا لك الموفقيه الاسم: اميرالمالكي التاريخ: 2008-11-09 21:48:21 اشكرالأم التي لاتتنفس الهواء ولاكن تتنفس خارطة العراق المبدعه فاطمة العراقيه التي التي شرفتني بمرورهاالكريم الاسم: فاطمة العراقية التاريخ: 2008-11-09 11:48:03 اميرا لاتستغرب سميتك علي لاني اعجبت ان تكون عليا شسوي مزاج شاعر لاتزعل انا لم انسى اميرا صدق لكني مصيبتي لن اخفي هواجسي.يابني العذب الاسم: فاطمة العراقية التاريخ: 2008-11-09 11:44:21 لا ياعيوني مايموت العراق العراق بيكم يرفع الراس يشد جفيت امنا من الشمال من الاساس لانكول عراق مات عراق عايش بالحواس بيه نفسنا بيه هوانا بيه اهل كلهم عزة ونوماس صدق كتبت هذه الكلمت بسبب تاثري بقصيدتك اوجعتني بها ياعلي يامالكي.حماك الله لعراقك لاهلك لي انا كي احب شعرك الاسم: علي الحمزه التاريخ: 2008-11-08 18:58:59 الرائع امير ايقنت منذ زمن انك مبدع فلا جديد ان تزخرف المفردات وتنطق بصور رائعه كانها العراق شكرا لك ياصديقي لانك مبدع تحياتي علي الحمزه الاسم: سرى القريشي التاريخ: 2008-11-08 14:31:08 - وكله يرسم.. يرسم التابوت الك خشبه جبيره هيج ناســــك.. مايهمهم انته ميت انته عايش على تابوتك تخط مات العراق ونته عايش تبقه عايش أي ألم يستهويك يا طالب كي تتقن الى هذا الحد فن الذرف السخي ! العراق !! وكفى .... فلا يتسع الفضاء للمزيد! اخي الفاضل امير صورت فأتقنت وأبكيت! تقبل مروري المجمل بامنيات بدوام التواصل تحيتي الاسم * البريد الالكتروني تعليق * 5000