..... 
....
......
مواضيع تستحق وقفة 
.
......
امجد الدهامات
.......
د.عبد الجبار العبيدي
......
كريم مرزة الاسدي
.

 
.
.
 svenska
.
مؤسسة آمنة لرعاية الايتام

.

.

 

..............
 
.
 ................... 


 

....................
جمعية الصداقة العراقية السويدية 
...................


اطلاق
اسم الشاعر الكبير
 (يحيى السماوي)
على مهرجان النور
الثامن
 

يحيى السماوي  

ملف مهرجان
النور السابع

 .....................

فيلم عن
د عبد الرضا علي

  




................


خدمات ترجمة 
 في مؤسسة النور

.

 ملف

مهرجان
النور السادس

.

 ملف

مهرجان
النور الخامس

.

تغطية قناة آشور
الفضائية

.

تغطية قناة الفيحاء
في
الناصرية
وسوق الشيوخ
والاهوار

.

تغطية قناة الديار
الفضائية
 

تغطية
الفضائية السومرية

تغطية
قناة الفيحاء في بابل 

ملف مهرجان
النور الرابع للابداع

.

صور من
مهرجان النور الرابع 
 

.

تغطية قناة
الرشيد الفضائية
لمهرجان النور
الرابع للابداع

.

تغطية قناة
آشور الفضائية
لمهرجان النور
الرابع للابداع

 

تغطية قناة
الفيحاء
لمهرجان النور
في بابل

 

ملف مهرجان
النور

الثالث للابداع
2008

ملف
مهرجان النور
الثاني للابداع
 

            


أريــــد انتحـــــر وأمــــــوت

عبد صبري ابو ربيع

أريد أنتحر وأموت

وأخلص من بنات الكوت

چنهن عنبر وياقوت

شمحلاهن لو مشن 

على سدة الكوت

ـــــــــــــــــــــــــــــــــــــ

خلصوني من هوى بغداد

والذكريات الحلوه ما تنعاد

مقهى البرازيلي ومتحف الرواد

عشگهن عشگ شبعاد 

ـــــــــــــــــــــــــــــــــــــــ

خلي الگلب تشب ناره 

بس أخلص من أهل العماره

تعبان والگلب محتار

كل يوم أني بالسياره 

ــــــــــــــــــــــــــــــــــــــــ

يمه الناصريه شخلت بيه

گلبي عليهم وعيوني مسبيه

أهل الشعر وأهل الهور

واللابس الترچيه 

شخلوا بالگلب يفلان 

بس الأذيه 

ـــــــــــــــــــــــــــــــــــــ


تالي سنين العمر 

أوگع على السمره 

طلعت عليه من الباب

بنية البصره


 ـــــــــــــــــــــــــــــــــــــــ

خلوني أرد أردود للحله

وأنخه هلي يخلصوني 

من كل شدة 


ياهلي من هزاع وفيحان 

حبهم أبد ما أمله 

ـــــــــــــــــــــــــــــــــــــــــ

صدري يا يمه أنخسف 

مو مليت من أهل النجف

بنياتهم چنهن خشف 

خدودهن أبد ما تنوصف 

يا يمه شمحله العطر عله الزلف

ــــــــــــــــــــــــــــــــــــــــــــ

أريد أدخل على الحسين 

وأمشي للعباس مرتين 

وأشتكيله من سحر العيون

مو سهم طايح بس سهمين

ــــــــــــــــــــــــــــــــــــــــــ

يمه گصايبه مثل سعف النخل

گلبي عليهم والبعد ما ينحمل 

بنت السماوه وعيونه كله كحل

منهم أبد فلا أمل 

ـــــــــــــــــــــــــــــــــــــــــــــ


بين المضايف والدلال 

سل الگلب من عيون الغزال

وبنات الديوانيه عشگهن محال

أهل شيمه وكرم أرض الرجال 

ـــــــــــــــــــــــــــــــــــــــــــــــ

يا عيني على رسوم الغربيه 

بنات من ذهب وچفوف ورديه

غيرن حالي وسون بيه 

ـــــــــــــــــــــــــــــــــــــــــــــــــ

يمه شحلات البنيه الكركوكليه 

چنه وردة النرجس لو وردة جوريه

عربيه تركمانيه وكرديه ومسيحيه

درة بلدنا مدينة النفط والخير اليه

ــــــــــــــــــــــــــــــــــــــــــــــــــــ

يمه البرتقاله لو أبو خد وخد

السحر بديالى ما ينعد 

حسنهن مثل الفجر لو صد 

گلادة من حسن تبقه على الحد

ــــــــــــــــــــــــــــــــــــــــــــــــــــــ

أقبلت تمشي على استحياء 

بعين كاوه هذي البنيه 

لو من كربلاء 

جنت كل الحسن من اربيل والفيحاء

ـــــــــــــــــــــــــــــــــــــــــــــــــــــــ

دگن على الصدر يا بنات دهوك 

راح أنتحر وأذب نفسي باللوك

هذا حِسن بغداد لو كركوك 

ـــــــــــــــــــــــــــــــــــــــــــــــــــــــ

تشتعل چنه نور الغروب 

بنت الهور بنت الجنوب

يمه سومريه محزمه بألف مطلوب 

ـــــــــــــــــــــــــــــــــــــــــــــــــــــــــ

يمه عيني بارده على المصلاويه

كل المعاني بيهه وعيون لوزيه

أريد أمشي لهلي بالعدايه والحمدانيه

وأنخاهم وأگلهم خلصوني من هالبنيه

ـــــــــــــــــــــــــــــــــــــــــــــــــــــــــــ


 



لبسن تراچيهن وأتعنن الملويه

صلاح الدين لو هذي البنيه

خلفت سباع بنت الجبوريه 

ـــــــــــــــــــــــــــــــــــــــــــــــــــــــــــ

چنه جمار النخل وعلى القمه أحن 

السليمانيه تره من وراهن أجن 

يا حلاوتهن والعسل خدودهن 

ـــــــــــــــــــــــــــــــــــــــــــــــــــــــــــ

هذوله أهلي مثل الگلاده 

وين ما تروح يرتاح الگلب وفاده 

شدة ورد لو رمان بخدوده

تعالن يالحلوات نحي الوطن والسياده

عدنه سباع وعدنه اليموت عله حده

وطني العنبر والرطب 

والخير مالي كل بلده

وهذا الذهب آبار 

جوه أقدامنا يمد مده 

موطنا جبل والهور والوديان 

والحضاره مهده 

بس أنخه العراقي 

من توگع بشده


 

عبد صبري ابو ربيع


التعليقات




5000