..... 
....
......
مواضيع تستحق وقفة 
.
......
امجد الدهامات
.......
د.عبد الجبار العبيدي
......
كريم مرزة الاسدي
.

 
.
.
 svenska
.
مؤسسة آمنة لرعاية الايتام

.

.

 

..............
 
.
 ................... 


 

....................
جمعية الصداقة العراقية السويدية 
...................


اطلاق
اسم الشاعر الكبير
 (يحيى السماوي)
على مهرجان النور
الثامن
 

يحيى السماوي  

ملف مهرجان
النور السابع

 .....................

فيلم عن
د عبد الرضا علي

  




................


خدمات ترجمة 
 في مؤسسة النور

.

 ملف

مهرجان
النور السادس

.

 ملف

مهرجان
النور الخامس

.

تغطية قناة آشور
الفضائية

.

تغطية قناة الفيحاء
في
الناصرية
وسوق الشيوخ
والاهوار

.

تغطية قناة الديار
الفضائية
 

تغطية
الفضائية السومرية

تغطية
قناة الفيحاء في بابل 

ملف مهرجان
النور الرابع للابداع

.

صور من
مهرجان النور الرابع 
 

.

تغطية قناة
الرشيد الفضائية
لمهرجان النور
الرابع للابداع

.

تغطية قناة
آشور الفضائية
لمهرجان النور
الرابع للابداع

 

تغطية قناة
الفيحاء
لمهرجان النور
في بابل

 

ملف مهرجان
النور

الثالث للابداع
2008

ملف
مهرجان النور
الثاني للابداع
 

            


هلة بيك هـــلة ..يالمالكي ..وبجيتك هلة !!

أحمد الياسري

اتذكر من جنة زعاطيط ..جان السيد النائب ابن الحاجة صبوحة هستوة صاير رئيس للعراق بعد ان جابلة كًشر موز مظبوط وخلاه جوة رجل القائد المــو ضرورة احمد حسن البكر وصار هوة قائد العراق الضرورة بمجانة .. جنه ما نعرف بس الشعارات الي يعلمونه اياها بالمدرسة :بذاك الوكت ..الي جان مراقب الصف يرددها من يدخل المعلم واحنا انردد وراه مثل الببغاوات وكلشي منفتهم من الحجي الي نكولة ..مو  لأن جنة زعاطيط ؟؟ بس لأن سياسة القائد الضرورة تؤكد على زعططة المجتمع ..! يعني على الاقل احنا الزغار جنة نكدر نتناقش بامور حتى اذا منفهم بيها محد يكتب علينا تقرير ولا واحد يودينا للأمن ..بس الكبار خطية اذا كًح كًحـــة وما كًَال عاش القائد يبتلي على عمرة وعمر الخلفوه ..فجان مراقب الصف يختارونه اختيار يعني لازم يكون  سوسة وشيطان مثل ابليس يالله يسوونه مراقب ..لأن اذا محبوب ما يفتن علينه ،، اول ميطب المعلم يتلكًاه استاذ فلان سوة وكاحة ..وفلتان هيج كال ومن هالسرسرلوغيات ..ومن الشعارات الي اتذكرها خصوصا بداية الحرب العراقية الايرانية  يكًول المراقب قيام   وي طبة المعلم ..انكًــــول كل احنه (عاش القائد صدام ) ..اتدور يدخل المعلم  يصيح المراقب جلوس ..نكول كل احنه ( يسقط الفرس المجوس ) وبذاك الوكت مو مثل هسه ينتعل سلفة سلفاك اذا تجيب طاري الفرس المجوس ويتهموك ضد الاسلام والتشيع والعلماء ...بذاك الوكت جان.ممنوع على الانسان ان يسب حتى روحة بس مسموحلة من الصبح لليل يسب بالفرس المجوس وبالملالي الايرانية حسب تعليمات القائد الضرورة .

ومن جان القائد الضرورة يفتر بالولايات العراقية تطلع الوادم كلها تهوس ( هلة بيك  هلة وبجيتك هلة ) واغلب ربيعتنا الي هسه صاروا ضد النظام ومتضررين منه جانوا يلبسون الشمغ المضبوطه المعدلة ..والافندية يلبسون سترهم وقمصانهم السفاري مال الاورزدي وتطلع كلها تردح للقائد الضرورة  وهمه لا واحد كايللهم ولا واحد مودي عليهم خط مصخم ، ومن تكوللهم بوية مو سودنتوا القائد  ..يكولك شتسوي خاف يعدمونا ..وجنه زعاطيط بسرعة ينضحك علينه فنمشي هاي الملاعيب بسرعة وما ناخذها بنظر الاعتبار  ، شلون هسة بسدني مثلا يجيك واحد بعثي ساقط يوزع مفاتيح سلام ومحبة على العالم وهوة مملطخ بدم الوادم الفقرة من راسة لقندرتة وما تعرف ياهو الاكثر عفونة قندرته لو راسة !! ،وهم نمشيها وفق نظام الزعططة الاجتماعية  الي اتربينه عليه من ايام القائد الضروة الى ايام القواد الضروريين   .

ارجع الى شعار ( هلة بيك هلة وبجيتك هلة  ) الي سبحان الله اتذكرته اول ما قررت اكتب على الزيارة المرتقبة للأستاذ نوري المالكي الى دولة استراليا الصديقة ..الى قادتنا ما يتذكروها الا من تخلص الحنطة ..لو تنباكًَ كوبونات النفط  ..وهسة واحد من عندكم يكولي ادري شنو علاقة زيارة المالكي بشعار ( هلة بيك هلة وبجيتك   هلة ) اكوللكم شنو العلاقة ...اتذكرت الموضوع من شفت الزلم الخشنة اتعدل بعكلها ورباطاتها وواحد يوصي الثاني (.اكـــــــــــولك ولا تكــــــــول ؟؟ شنهي السالفة بوية ؟؟؟ اطيني اذنك ..بوية هاك اذني شنهي السالفة يبعد عمك  ؟ ترة الاستاد  نوري المالكي  جاي لسدني !! لا بروح ابوك ؟؟ والحمزة الشرجي  ....اي همزين كتلي بس دير بالك واحد يدري بهاي السالفة ،،، هاي شبيك جا اني مسودن واخلي واحد يستقبلة كدامنا احنا وجوه الجالية .. وحتى نسولف وي ابو اسراء اشوية بلجي الله والحسين  لنه معينه بسفارة بطركاعة ... أي ولله بعد اخوك خوش احجاية ..)

من شفت بعض هالشجولات تسولف بهاي الطريقة وهذا المنطق _رأسا اتخليتهم شايلين صور المالكي وواكفين بمطار سدني وكلمن محشم  ربيعته ويصيح هله بيك هلة .. يالمالكي ..وبجيتك هلة ..) والمالكي هم رجال طويرجاوي مكرود وابن عشاير من يشوف هاي اللوكًية تهوسلة يجوز يعوف الطيارة مالته وينزل يهوس وياهم ( ها خوتي ها ها ..  اجيت لسدني يحبابي وزرك هفيت ..ايييي... من هلت لواكَتكم انه هليت .اييي.. جبت الأمن كله وعمريت البيت ..و ردونة خل نعمر الباقي )) وتردح الرداحة وياه بالمطار والعراضات تشتغل والتفك والرصاص ..والسيكيورتي والكوماندو كلها تكًلب دقلات ..عبالهم صار انقلاب عسكري بمطار سدني ..وخاف اكو جم عراقي بمعسكر فيلاوود عدهم امل يحصلولهم فيزا  الطام  ثاني يوم هم تحطهم وزارة الهجرة بجنطة المالكي وتردهم للعراق .

هسه عرفتوأ ليش اتذكرت هذا الشعار الخالد ؟  واني اليوم ارد اوجه رسالة الى الاخوة اللوكية الي حضروا بيارغهم وعكلهم وتفكهم واكولهم خيرها بغيرها يبعد اخوكم ..لأن الاستاد المالكي غير موعد الزيارة الى اشعار اخر  فضموا اغريضاتكم وروحوا شوفولكم سويلفة اتفيد اكثر من ثقافة الزعططة واللواكة الي اتعلمناها من حمورابي العصر والقايد الضرورة  صوصو ابن الحاجة  صبوحة (ام الرجولة ) .

ولو فرضنا ان المالكي  فعلا وصل الى سدني بالموعد المحدد..فأحنا لازم نرحب بيه كوننا رعايا البلد الي انتخب المالكي رئيس وزراء  ..بس مو نتلكًـــــــاه بالهوسات وهله بيك هله  وسوالف اللوكًية ..لا ..نتلكـًــــاه بالاسئلة المنطقية .عن بلدنا واهلنا ..!  نتلكًاه  بمن اين لك هذا ؟؟ مقولة ابو ذر الغفاري الخالدة ..نتلكاه بماذا فعلت وماذا ستفعل ؟؟ نتلكاه بالسؤال عن قضية اللاجئين الي راح الى اوربا يبشر بعودتهم وخل الوادم ابهاتها احتركًت وكلها اجاها رفض  ! وما انطت حكومته ضمانات حقيقية لحماية اللاجئين !  نتلــكًاه بماذا حصل بملف الامن بعد التصعيد الخطير ضد المسيحيين بالموصل وشنو نتائج عملية ام الربيعين  !! نتلكـــــاه بقضية الغاء المادة خمسين الي صارت دم جليب حتى الصوتوا عليها بالبرلمان طلعوا مظاهرات ويهوسون ضد الغائها ؟؟ نتلكـًـــــاه بمشروع الخدمات الي اتبنته حكومته شلون  ووين صار ؟؟ نتلكًــــــاه بطلب شرح عن تفشي وباء الكوليرا بالمدن العراقية خصوصا الجنوبية اسبابه وشنو شغل وزارة الصحة الي جزء من حكومته ؟نتلكَاه بمعرفة اهم نتائج قضية كركوك وهل سيوقع السيد المالكي على عودة الفرع الى الاصل ؟؟ نتلكًاه بطلب شرح عن تفشي الفساد الاداري بوزارة النفط والتجارة واسباب اغلاق هاي الملفات ؟؟ نتلكــــــاه  بوين وصلت الاتفاقية الامنية مع امريكا وشنو هاللغوة والهوسة الي مسويتها الاحزاب الايرانية العراقية   وليش الحكومة مشتهية ومستحية ؟؟ ومغيبين المنطق بشرح الموضوع للناس وليش الاستاذ المالكي دائما يحاول يتهرب من موضوع توقيعها وكلساع ذابها براس مجلس الرئاسة لو البرلمان ؟؟ انتم حكومة الشعب اذا الموضوع يفيد الشعب العراقي اطلعوا واشرحوا بشكل علني واذا ميفيد العراق وينظم استعمارة مثل ما تدعي بعض الاصوات الدايحة بدرابين الفضائيات الي كلها صارت محللة سياسية وموقعة معاهدات عالمية واحنا طلعنا معدان كلشي ما نفتهم !!

هاي الامور الي نريد نعرفها من السيد المالكي ونستغل تواجده بيناتنا حتى نسمعها منه ..وبالمناسبة لا يعتقد البعض انه اني عندي عداء لو جاي اتهجم على ابو اسراء بالعكس ، الرجل موظف حكومة انتخبناها حتى يديرلنا امورنا وجاي نتحاسب وياه شنهو الاله وشنهو الالنة ..واكًولها للامانة وهذا رايي الشخصي ما اريد اقحمة على مخيلة القراء ..اني ما جنت متفائل بهاي الوزارة للامانه وجنت اعتقد انه راح تكون نسخة من وزارة السيد الجعفري الله يذكرة بالخير الي خله الوادم تترحم على صدام ،، بس السيد المالكي حقق شعبية جيدة وحكومته حققت نجاحات مو لازم نغض الطرف عنها خصوصا بالجانب الامني والعنف الي قل بالعراق ..يعني يكفي المالكي فخر انه رئيس الوزراء العراقي الوحيد الي كَدر (يزيح الجعفري من حزب الدعوة _ويزيح حبيب الصدر من شبكة الاعلام العراقي ) واني شخصيا اعتبر هذا الشي انجاز على المستوى المحلي بس حسين سعيد فلت منه وجلب بلحية  بلاتر ،، وكذلك كدر ينفتح على العرب وينظم علاقة العراق بيهم وكدر يسوي بروتوكول اقتصادي وي تركيا ..وكدر يتخذ قرارات جريئة بخصوص مجالس الصحوات وتنظيم العلاقات الامنية ..ويكفيه فخر ايضا انه عراقي طويرجاوي معيدي مثلي من بني مالج العشيرة العراقية الاصيلة  ،،يعني مو عجمي مكطم ما ينعرف اصله على الاقل اذا بعد يومين خربنا وي السيد المالكي انروح لشيخ عشيرته بطويريج ونطالب وياه على الحكًَ ..بس الاصله اصفهاني  منين نلكيله شيخ عشيرة ؟؟؟ فيا خوية يا ابو اسراء اهلا ومرحبا بيك بيناتنا بس مراح انهوسلك هوسات لوكًية نراح ندخلك مضيفنا ونصبلك اكهوة باليمنة وتشرب فنجانك ونسولف على طلايب مضيف اهلنا الجبير العراق بس تدري يا سيادة رئيس الوزراء اذا كدرت تحمي ارواح اخوتك العراقيين وتأمنلهم الخدمات  وتخلي العراقيين ما يمدون ايديهم لغير العراق اني اول الناس الي راح يهوسلك _هلة بيك هلة وبجيتك هلة _ وبغير هاي السالفة ترة كهوتنه مرة ما تنجرع..واحنا ما متعودين نقدم  لضيف فنجان كهوة بالايد العسمة يابو اسراء  .لأن هاي السالفة عليها حشم والعراقيين محشومين كلهم انشاء الله ..نشوفكم العدد الجاي اذا عدلين .

 

أحمد الياسري


التعليقات

الاسم: احمد الياسري
التاريخ: 30/10/2008 00:46:34
الاستتاذ والكاتب التربوي المحترم صباح محسن الف تحية
الحقيقة يتشرف امثالي من الكتاب البسطاء بتعليقات امثالكم من الكتاب الواعين التربويين ..ولقد ابكاني تعليقك اقسم بالله لأنك ذكرتني بشهيد الادب الشعبي العراقي عمي ابو كاطع سيد شمران الياسري ..والحقيقة هذا الشخص اثر بكينونتي النفسية والادبية منذ كنت صغيرا فكما تعلم حضرتك انا اختصاصي كتابة الشعر الحديث والنقد الادبي ،ولكن احياء للون ولغة الخالد ابو كاطع اردت ان احيي تراثه بعمود اسميته طك بطك بجريدة العراقية بسدني والحقيقة اتفاجئت من ردة فعل الناس وحبهم لهذه اللغة وهذا اللون الكتابي الشعبي فقررت قتل الخجل ونشر هذه النوع من المقالات بالنت واضم صوتي لصوت حضرتك بالفعل الكتابة الشعبية كتابة سهلة ممتنعة وصدقني يا استاذ صباح الوقت الذي اخذته مني كتابة دراستي عن الراحلة نازك الملائكة المنشورة في الموقع هنا هو ربع الوقت الذي اخذه مني كتابة هذا المقال،وتزداد ثقتي بنفسي حينما اجد امثال حضرتك من الكتاب المثقفين يتركون تعليقاتهم تحت هذه المقالات واعتبره فخر كبير ،وان الكتابة الشعبية في العراق مظلومة اتهمت بالجهل من قبل اهم كتابنا مع دسومتها وثقافة كتابها ..
ضحكت وبكيت وفرحت بنفس الوقت قبل مدة حين كتب احد كتاب استراليا العراقيين مقلا عنوانه ابو كاطع في سدني ..وشبهني باسلوب عمي سيد شمران رغم انت تعرف استاذ صباح كل كاتب يحب ان يكون له لونه واسلوبه الخاص بس اني افتخر ان اشبه بالكاتب العراقي الواعي المرحوم عمي سيد شمران الياسري واريد كذلك ان اؤوكد ايضا ان هذا اللون الشعبي اشتهر بكتابته ال ياسر الذين يعرفون سر مهنة الكتابة بلغة المضايف وتوظيفها الى لون صحفي مقروء من شمران الياسري وحميد الياسري الى عبد الاله واحمد الياسري رغم ان الكتابة الشعبية العراقية موجودة من ايام حبزبوز ومله عبود بس ال ياسر انطوها نكهة الريف والمضايف والحسجة ومزجوا بينها وبين لغة المدينة الشعبية من خلال كتاب هذه العائلة ..تحية لحضرتك وشرف كبير لي ان اجد تعليقاتك استاذي الكريم تذيل كتاباتي المعيداوية وحفظك رب العراق يا استاذ صباح ووفقك
احمد الياسري
سدني

الاسم: صباح محسن كاظم
التاريخ: 29/10/2008 20:57:37
من شمران الياسري الى احمد الياسري ..عشتم ببراعة اقلامكم الوطنية ومابينهما جهادكم المؤرشف بذاكرتنا العراقية.. (لا اعرف اكتب شعبي ببراعتك ياسيدي احمد)
اول ما جاء البعثية شعارهم (بعثية ونبقى بعثية كل احنه نموت بعثيه.....هؤلاء الرداحة في كل زمن ومصر والان في سرهم يحنون على ايامهم السود ويكرهون كل وطني ...غريب امرهم!!!!....اما المالكي بوطنيته يعول عليه الكثير باشتراط موقف موحد من كل القوى السياسية...وليترك عودة المهاجرين الان ،ليبني البلد اولا ومن ثم تخييرهم بين العودة والبقاء....شكرا لك ثانيه ياورد...

الاسم: صباح محسن كاظم
التاريخ: 29/10/2008 20:55:57
من شمران الياسري الى احمد الياسري ..عشتم ببراعة اقلامكم الوطنية ومابينهما جهادكم المؤرشف بذاكرتنا العراقية.. (لا اعرف اكتب شعبي ببراعتك ياسيدي احمد)
اول ما جاء البعثية شعارهم (بعثية ونبقى بعثية كل احنه نموت بعثيه.....هؤلاء الرداحة في كل زمن ومصر والان في سرهم يحنون على ايامهم السود ويكرهون كل وطني ...غريب امرهم!!!!....اما المالكي بوطنيته يعول عليه الكثير باشتراط موقف موحد من كل القوى السياسية...وليترك عودة المهاجرين الان ،ليبني البلد اولا ومن ثم تخييرهم بين العودة والبقاء....شكرا لك ثانيه ياورد...

الاسم: احمد الياسري
التاريخ: 28/10/2008 20:10:59
عزيزتي زينب تحية لحضرتج على تعليقج الرائع
ولله يازينب شكلج بعد ،اهل السويد ادرى بشعاب عقل المالكي ..الحكومة بعد ان ضربت التيار الصدري وانتهت فترة زواج المتعة بينهم وبين الاكراد من جهة والمجلس الاعلى من جهة ثانية بدت تركز على مواضيع اخرى حتى توهم الوادم انها نجاحات امنية واهمها عودة اللاجي يعني اتخيلي زينب المالكي يرجع العراقيين اللاجئين من السويد ويسفر العراقيين المو لاجئين من الموصل ،بالله بشرفج مو يضحك هذا الحجي بس شتسوي بعد ديمقراطية ما نكدر نحجي
شكرا زينب
احمد

الاسم: احمد الياسري
التاريخ: 28/10/2008 19:05:41
العزيزة نخلة العراق شكرا لاطرائك وتقبلي تحيتي ايتها العزيزة الغالية واتمنى ان اكون عند حسن ظنك بالكتابة عن هموم الانسان العراقي بحيادية ودون تقمص اي شخصية تحياتي لك ودمتي بخير
احمد

الاسم: زينب بابان
التاريخ: 28/10/2008 17:16:53
الاخ العويز احمد الياسري
عاشت ايدك على هل الموضوع وتذكرني من اتى للسويد ووقع معهم معاهدة باعادة جميع العراقيين شكليا يقول لهم طوعيا والمصيبة اغلب الحالات المرضية الي تحتاج علاج بالسويد اعطوهم رفض واغلب رجال امن واستخبارات صدام حسين اعكوهم الاقامات اين الانسانية بالمرضى احداهن ابنتها طفلة وتحتاج عمليات بالمستشفى والام ولدن طفل هنا واعطوهم رفض ثامي كيف ستعود للعراق ؟ ةحنى حالتي بت لا استطيع المشي الا بجهاز وصعبة واعطونا رفض بالاقامة كله بسبب توجهات المالكي عمي رجعولنا العراقيين وتعالوا شركات عمروا العراق وتعطيكم التفط ... فاخشى عمو المالكي حن على العراقيين الي ماماتوا بالبحر عند وصولهم استراليل حن يريد يرجعهم يعمروا العراق ؟؟ مقل مارجع العراقيين بالاردن وسوريا والحلو من راح وقع اتفاقية بالمانيا لاعادة العراقيين ثلاث من الوفد الاعلاكي الرئاسي طلبوا اللجوؤ بالمانيا ؟؟ طلب من الالمان اعادنهم رفضواقالوا له عن اي امان تتحث اصبحوا الان تحت الحماية الالمانية ؟؟ فعجيب غريب امور قضية هو لو بوفرون لنا ماتوفره لنا الحكومة السويدية من علاج وامان وعمل والله لعاد جميع العراقيين اش ترجع على انتشار الكوليرا لو على العبوات اللاصفة لو الان انتشار كاتم الصوت اسهل طرقة بالقتل على شنو نرجع فهمني يااحند الله خير حافظا وهو ارحم الراحمين
زينب بابان
السويد

الاسم: نخلة العراق
التاريخ: 28/10/2008 17:11:52
الاخ أحمد الياسري

عاش اناملك

لا استطيع التعليق لان كلامك رائع

ولك مني الف الف تحية

تقبل مروري

نخلة العراق




5000