ثقافات              مرثية الى الشهيد الملازم البطل ( حسين جواد كاظم المطرفي ) كاظم الوحيد 21/07/2016 قراءات: 599 مرثية  ***** الى الشهيد الملازم البطل ( حسين جواد كاظم المطرفي )  بلسان عمه قصيدة بعنوان  * بويه حسين *   ********************* بويه حسين  عمك گمت أصيح عليك .. أرجع يا ضوه الصوبين   بويه حسين هلْ رمضان وآنه اتنطرك .. ها وين ؟   چا يمته تجي .. وتكحل أنته العين   حسبتك تهل ياعيد .. والعيد بحضورك ينطبگ عيدين   بويه حسين يتيم أنته وعشت بالعوز هاي سنين فوگ سنين   تحديت الصبر والضيم .. وفرحنه من شلت نجمات عالچتفين   گضيناه العمر بالآه .. ما نعرف ترانه ليا كتر ماشين   صاير طبع بينه النوح سولتنه بچي وونين   تمنيتك يبويه حسين تشيل أجنازتي لو أموت مو أبچي وأنوح عليك عگبك تيّهت دربين   مو چلمات من گالو خبر موتك أحسهن چن طعن سچین   بويه حسين شجاك وغرّبت ماگلت رايح وين !!   بويه حسين مصابك مرد چبدي  وكسر ظهري البين   هد حيلي وداعك اي وحگ الموت لا شوف البقه بالعين   صدگني الدمع بجفاك جمر ويهل عل الخدين   زماني وياي ما أنصف أخذ مني أبوك الشهم ذاك الزين   ورد أردوُد أخذ مني  شبابك والجرح جرحين   ما أريد العمر بجفاك يوليدي أريد أرباي مطلوب لشبابك ديّن بويه حسين ... بويه حسين    16 / 7 / 2016    كاظم الوحيد التعليقات الاسم: ايادالعنزي المطرفي التاريخ: 21/07/2016 22:41:03 جزاكم الله خيرا الجزاء الاسم * البريد الالكتروني تعليق * 5000