.............
..........
هالة النور للإبداع
.
أ. د. عبد الإله الصائغ
..... 
.
مواضيع تستحق وقفة
  .
 حسن حاتم المذكور 

سيرك الدين والدولة...

الكاتب حسن حاتم المذكور

.

في حضرة المعلم مع
الدكتور السيد علاء الجوادي

 د.علاء الجوادي

حوار علي السيد وساف

.
 رفيف الفارس

رسالة الينا نحن غير المشاركين في واقع ثورة شعبنا البطل

الكاتبة رفيف الفارس

.

.

.
....
.......
 
...…
ـــــــــــــــ
.
.
 svenska
.
مؤسسة آمنة لرعاية الايتام

.

.

..............
 
.
 ................... 


 

....................
جمعية الصداقة العراقية السويدية 
...................

  

ملف مهرجان
النور السابع

 .....................

فيلم عن
د عبد الرضا علي

  




................


خدمات ترجمة 
 في مؤسسة النور

.

 ملف

مهرجان
النور السادس

.

 ملف

مهرجان
النور الخامس

.

تغطية قناة آشور
الفضائية

.

تغطية قناة الفيحاء
في
الناصرية
وسوق الشيوخ
والاهوار

.

تغطية قناة الديار
الفضائية
 

تغطية
الفضائية السومرية

تغطية
قناة الفيحاء في بابل 

ملف مهرجان
النور الرابع للابداع

.

صور من
مهرجان النور الرابع 
 

.

تغطية قناة
الرشيد الفضائية
لمهرجان النور
الرابع للابداع

.

تغطية قناة
آشور الفضائية
لمهرجان النور
الرابع للابداع

 

تغطية قناة
الفيحاء
لمهرجان النور
في بابل

 

ملف مهرجان
النور

الثالث للابداع
2008

ملف
مهرجان النور
الثاني للابداع
 

            


حجي اعناد والتضاهر

عباس طريم

حجي  اعناد  جيراني  التعرفونه...      طكوه اعله فجه  وطاحت اسنونه

 

طلع  وي الربع يتضاهر امن ابعيد ...   عباله   الجماعه    ما  ايشوفونه

 

شافوه  من رجع كالوله حجي اعناد ... خويه اتضاهرت ؟ فز وصفر لونه

 

وكال وروح  خاجيه وسند  وصحين... التضاهر ما  كربته  وروح  حنونه

 

وذوله  الطلعو ايدورون  حريات  ...   ابصراحه احجيهه يا اخوان خزونه

 

احب  اليرتشي  واليختلس  ويبوك  ... واحب اللي  يجينه   وحاد  اسنونه

 

وكال الهم وروح امي مريض وجيت...  للدكتور     والحراس      منعونه

 

الحقيقه البارحه اتعشيت بيتنجان      ... وباجه  ونظفتلك  كل   الصحونه

 

وسمعت اطلاق نار ابطني كل الليل ... وريحه اتكول جنهه  ازواع  بزونه

 

وحرارة صاعده من الجدم حد الراس ... مصحوبه بدوار الراس وصخونه

 

وكالولي  دواك  ابساحة   التحرير    ... يم  دكتور اسمه  اسحاق  كمونه

 

الوحيد اليكدر ايوكف اطلاق النار   ... كبل مرتي وجهالي لا   ايسمعونه

 

فحصني وكال اضغط نمره واحد بس ... وكلي  لا   اتفجر   بس  يشمونه

 

اقل شي الفين  للمستشفه   ينتقلون    ... لان تفجير ذري   وما  يحملونه

 

ما  عندي علاقه وكاعد  ابهالبيت    ... والناس  التهوس  كلهه   مجنونه

 

ما احب  السياسه  واكره  الاحزاب . .. والعب دومنه وي اولاد  مسحونه

 

عمي  ياهله  ابفسادنه  الطيبين     ...    عله ابساط  الفكر والعوز خلونه

 

احب اليسرق ويشلع ابنص الليل ...    بامريكه   مثل   عبعوب    يلكونه

 

ساكن بالملاهي  ايدور الحلوات   ...  وما   يتعشه     اله  اوياه   مادونه

 

لو  مثل  الوزير الشال مليارات  ...  وكال  اله   اشتري  نادي   سكنتونه

 

بلد  تايه اشحده اليعترض وايكول ...   بويه     ياتضاهر   ما     اتخلونه

 

كالو  مو صحيح وانته جنت اهناك ... وجابوله  الفلم    شوفوه    بعيونه

 

وهوايصيح كل لص وحرامي اليوم ... علكوه  من  ركبته ولا  اترحمونه

 

ما انريد الحرامي الما يحس بالناس ... والله     لا    يوفقهم      الباكونه

 

وكلوله  علينه انوب حجي اعناد  ...   نعرف الجذب كله  ونعرف  افنونه

 

والله  من نشوفك  غاد  بالتحرير  ... راح  اتشوف  كتل  احزابنه  اشلونه

عباس طريم


التعليقات

الاسم: عباس طريم
التاريخ: 10/12/2015 23:13:58
الاديب الرائع , يوسف لفته الربيعي .

تحية حب وتقدير لمرورك على قصيدتي التي تستلهم الدعم والاستمرار من ذالك المرور الكريم .
المتضاهر احيانا لا يسلم على نفسه , وهناك من دفع الثمن غال , لوجود الحرامية الذين لا يرغبون بالتضاهر الذي يمثل لهم اشارة واضحة لرفض الشعب العراقي لتلك الممارسات اللاخلاقية بحقهم ..

تحية ود واعتزاز ..

الاسم: عباس طريم
التاريخ: 10/12/2015 23:08:41
الاديب الرائع , علي جبار العتابي .

يسعدني مرورك اخي علي فقد افتقناك كثيرا ايها الطيب .
ان الحرامية لا يروق لهم الاعتراض على مسلكهم الغير انساني ويعتبرون التضاهر حالة قد تكشف عوراتهم , لذالك يتعرض بعض الاخوة لحالات .. حتى وان كانت فردية , الا انها تمثيل ترهيبا للمتضاهرين جميعا ..

مع خالص الود

الاسم: عباس طريم
التاريخ: 10/12/2015 23:04:35
الاديب الرائع , عبد الوهاب المطلبي .

تحية طيبة لمرورك الكريم الذي لا يفارقنا ابدا .
انا احاول التاكيد على حقيقة بعض الاحزاب التي لا يروق لها التضاهر وتريد الامور ان تبقى على ذات السرقة والفلتان , وتهدد بعض الشخصيات ..

مع خالص الود

الاسم: يوسف لفته الربيعي
التاريخ: 10/12/2015 17:45:31
الأستاذ الفذ عباس طريم ....دمتم بخير
صورة تحليلية لواقع حالنا ، أولو الأمر تراهم في خصام دائم وجفاء قائم ،والصراع يزداد وكما يعلم حجي عناد ،ومع الأسف كأن مايجري تطبيق لنظرية عشناها في الصغر (لوألعب لو أخرب الملعب ) ، دمتم صوتاً ناطقاً للخير ...وأحسنتم التنوير ....خالص التقدير لكم ...مع ودي .
يوسف

الاسم: علي جبار العتابي
التاريخ: 10/12/2015 17:44:32
حبيبي هذا الحجي عراقي اصيل لكونه يحمل من الكذب والنفاق مايجعله يهرب من الحقيقة بهذه السرعة

الاسم: عبد الوهاب المطلبي
التاريخ: 10/12/2015 07:36:22
الشاعر لرائع ىالاستاذ عباس طريم
ارق التحايا اليك
أحسنت وابدعت
ما انريد الحرامي الما يحس بالناس ... والله لا يوفقهم الباكونه



وكلوله علينه انوب حجي اعناد ... نعرف الجذب كله ونعرف افنونه



والله من نشوفك غاد بالتحرير ... راح اتشوف كتل احزابنه اشلونه

محبتي وتقديري




5000