ثقافات              جائزة النور السادسة للابداع / الشعر الشعبي - الفائز الثالث كاظم الوحيد 07/12/2014 قراءات: 1428     جائزة النور للابداع دورة الشاعر يحيى السماوي 2014 وطن     ما أحب كل السياسه ولا أفكـــر باليجوُن   رايد اليخــدم شعبنه وشايله بنص العيون   ورايد اليحكم شريف وعالعهد يبقه ويصون   ورايــد اليحضن يتيم وكَلبه بي طيبه وحنون   ورايـد اليمسح دمعنه بيـده وينشف الجفون   ورايد المليانـــه عينه وما يمد أيـــده ويمون   ورايد الي عنده غيره ويحلف أبدن ما يخون   ورايد الأصله عراقي منين ما كان ويكون   ******************* وأحلم بصوره الوطنه كون عالواقع تكون   وطن بي يصحه الضمير وما بي جماعه اليحوُن   وطن ما بي فســــاد ولا شكوك ولا ظنون   وطن عايش بالتسامح وكل مشاكلنه تهــون   وطن موش أبعوز ناسه ابكل كتـــر يتسولون   وطن بي عيشة كرامه وما بي جواعه ويبجون   وطن ماعونــه جبير وتارسه أشما يشتهون   وطن ما بي جروح وناسه ابد ما يشتكون   وطن بيه الخوّه تكبر والبشر بي ينتخون   وطن كون أحزانه ترحل لا دموع ولا شجون   وطن عيد أيامه حلوه وألوان شعبه يلبسون   وطن يضحكله النهار وليله بي راحه وسكون   وطن مصباحه تفاؤل وبفرح ناسه يمسون   وطن ما بي ورد يذبل والنــوارس يشتكون   وطن مليان ابمسارح مو زنازين وسجون   وطن بي مليون مرسم وشعر وآداب وفنون   وطن عنوانــه محبه واطفاله بس يضحكون   وطن بي ونسه وترافه وللفـــرح سبعين لون   وطـــن نبنيّه بدينه واهله بضمير يعمرون   وطـــن ويلمّنه كلنه والطلعو منه يرجعون   وطن يجمعنه أبمضيفه وطن ونحبـــه بجنون وطن ونحبه بجنـــون   كاظم الوحيد التعليقات الاسم * البريد الالكتروني تعليق * 5000