.
.
  
.......... 
هالة النور
للإبداع
.
أ. د. عبد الإله الصائغ
.
.
د.علاء الجوادي 
.
.
.
.
.
.
.
ـــــــــــــــ.

.
.
.
.
.

..
....

.

  

ملف مهرجان
النور السابع

 .....................

.

.

.

 ملف

مهرجان
النور السادس

.

 ملف

مهرجان
النور الخامس

.

تغطية قناة آشور
الفضائية

.

تغطية قناة الفيحاء
في
الناصرية
وسوق الشيوخ
والاهوار

.

تغطية قناة الديار
الفضائية
 

تغطية
الفضائية السومرية

تغطية
قناة الفيحاء في بابل 

ملف مهرجان
النور الرابع للابداع

.

صور من
مهرجان النور الرابع 
 

.

تغطية قناة
الرشيد الفضائية
لمهرجان النور
الرابع للابداع

.

تغطية قناة
آشور الفضائية
لمهرجان النور
الرابع للابداع

 

تغطية قناة
الفيحاء
لمهرجان النور
في بابل

 

ملف مهرجان
النور

الثالث للابداع
2008

 

ملف
مهرجان النور
الثاني للابداع
 

            


راحوا متل الحلم...

مادونا عسكر

( تحيّة إلى سعيد عقل الوطن)

 

راحوا... مِتْل الحِلمْ

مِتْل طْيورْ

عَ الصَّفحَة الزَّرقا عَمْ تِغْدي،

مِتْل وَرْد عَ غَفْوِةْ الغْروبْ

مِشي صَوْب غاباتْ بْعيدة

لا الْتَفَتْ خَلْفُه ولا سَأَلْ...

مِتْل نَسايِمْ فارَقِتْ أَيادي النَّدَى

لا قالِتْ نِحْنَ رايْحينْ ولا عَطِيِتْ خَبَرْ...

 

راحوا...

سَكَتوا وراحوا

تَرَكوا خَلْفُن مَلامِحْ وَطَن عَمْ يِبْكي

وجْروحْ سْنينْ لا بْتِخْلَصْ ولا بْتِنْتِهي...

ناموا عَ كْفوفْ الْحِلْمْ

وْبِسَلامْ المَجْدْ تْغَطّوا،

رِكْبوا عَرَبِيَّاتْ النّارْ

وْراحوا...

 

هِنِّي كانوا الْحِلْمْ...

كانوا نَبْض الْوَطَنْ

كانوا الوَطَنْ...

وْمينْ قالْ إِنُّه الْوَطَنْ عْواميدْ مِنْ حَجَرْ

وْرْجالْ مِنْ وَرَقْ

ودْموعْ عَ جْفونْ مِنْسِيِّة

لا بْتِنْشَفْ

وْلا بْيِمْحيها العُمْرْ

وْلا بْيِذْكِرْها الفَرَحْ...

 

الْوَطَنْ حِلْمْ شاعِرْ

عَ دِنْيِتْنَا سَكَبِتُه أَيادي الرَّبْ

وْرُؤَى أَديبْ

مِنْ حَفْنِةْ أَفْكارُه غَزَلْ شَمْسْ جْديدة

وْعَ الْكَوْنْ كِلُّه ضَوَّا سْراجْ الْمَعْرِفِة الْعَظيمِة...

الْوَطَنْ صَوْتْ

بْيِصْدَحْ بِالْمَدَى

وْبِضَلّْ يْغَنِّي حَتَّى يِطْرُبْ بْعَلْبَكْ

وْتُرْقُصْ بيروتْ

وْتْرَنِّمْ هَياكِلْ صورْ أَناشيدْ سَماوِيِّة...

الْوَطَن قَلَمْ

حِبْرُه مِنْ نور وْنارْ

بْيِكْتُبْ مَجْدُه عَ قْلوبْ خَضْرا

عَ أَنْهارْ بْتِنْزَلْ مِنِ السَّمَا

تِسْقي مْساكينْ مِن عَبَقْ الْحْروفْ...

 

راحوا... مِتْلْ الْحِلْم

مِتْل نَغْمِة فارَقِتْ وَتَرْ

مِتْل سْنونو تَرَكْ قَرْميدْ بَيْتُه وْهَجَرْ

مِتْل نَدَى غادَرْ وَطَن الْوَرْدْ واغْتَرَبْ

مِتْلْ رَعْشِةْ لَيْلْ

عَ صَحْوِة الْفَجْرْ ارْتَحَلْ...

 

راحوا... مِتْلْ الْحِلْمْ

وْتَرْكونا هَوْنْ

عَمْ نُطوي صَفْحِةْ مَجْدْ

وْعَمْ نْلَمْلِمْ دْموعْ بِرْدانِة،

مِشْ عارْفِة

إِذا مَجْدْ جْديدْ رَحْ يْهِلّْ

أَوْ لازِمْ تِنْتُظِرْ بَعْدْ مِيَّاتْ السّْنينْ

 يِتْكَرَّمْ عْلَيْها وَحْي مْنِ السِّما

يْقِلْها لِبْنانْ اْلعَظيمْ باقي ما بِقْيِتْ الدِّنِي

 

راحوا... متل الحلم...

بَسْ الْحِلْمْ ما بِموتْ...

بِسافِرْ عَ بْلادْ جْديدِة

يُحْصُدْ فيها تاريخْ أَخْضَرْ

وْزْنابِقْ مِتْلْ النّْجومْ مُضْوِيِّة،

لا بْتِدْبَلْ

وْلا بِزورْها بْلَيْلِةْ شِتي حِزْنْ وْكَدَرْ...

مادونا عسكر


التعليقات




5000