..... 
....
......
مواضيع تستحق وقفة 
.
......
امجد الدهامات
.......
د.عبد الجبار العبيدي
......
كريم مرزة الاسدي
.

 
.
.
 svenska
.
مؤسسة آمنة لرعاية الايتام

.

.

 

..............
 
.
 ................... 


 

....................
جمعية الصداقة العراقية السويدية 
...................


اطلاق
اسم الشاعر الكبير
 (يحيى السماوي)
على مهرجان النور
الثامن
 

يحيى السماوي  

ملف مهرجان
النور السابع

 .....................

فيلم عن
د عبد الرضا علي

  




................


خدمات ترجمة 
 في مؤسسة النور

.

 ملف

مهرجان
النور السادس

.

 ملف

مهرجان
النور الخامس

.

تغطية قناة آشور
الفضائية

.

تغطية قناة الفيحاء
في
الناصرية
وسوق الشيوخ
والاهوار

.

تغطية قناة الديار
الفضائية
 

تغطية
الفضائية السومرية

تغطية
قناة الفيحاء في بابل 

ملف مهرجان
النور الرابع للابداع

.

صور من
مهرجان النور الرابع 
 

.

تغطية قناة
الرشيد الفضائية
لمهرجان النور
الرابع للابداع

.

تغطية قناة
آشور الفضائية
لمهرجان النور
الرابع للابداع

 

تغطية قناة
الفيحاء
لمهرجان النور
في بابل

 

ملف مهرجان
النور

الثالث للابداع
2008

ملف
مهرجان النور
الثاني للابداع
 

            


مبدعون عراقيون من ميسان... الشاعر والاعلامي كريم الرسام

علي كاظم خليفة العقابي

ولد في محافظة ميسان محلة الماجدية شارع الملعب عام 1959

انهى دراسته الابتدائيه في مدرسة الهادي الابتدائيه للبنين وبعدها الى متوسطة العروبه في الماجديه
رئيس اتحاد الشعراء الشعبيين في ميسان لدورتين بعد سقوط النظام
رئيس منتدى مظفر النواب للشعر الحديث في العراق
المدير الفني لاذاعة كل العراق من ميسان
عضو منظمة الاحرار لحقوق الانسان
عضو مركز تطوير الاقتصاد العراقي
عضو عامل في نقابة الصحفيين العراقيين / مدير تحرير
مارس هواية الرسم منذ نعومة اظافره وشارك بالعديد من المعارض الشخصية والمشتركه ومع عدد كبير من فناني المحافظة وكذلك مشاركات على مستوى العراق ومشاركات خارج العراق وقد حاز على العديد من الجوائز والشهادة التقديريه والهدايا في مجال الرسم
وبعد هذا المشوار الفني الجميل استكمل هذا المشوار مع المفرد الخصبة والشجن الجنوبي الاصيل وهنا بدأت رحلة كتابة الشعر الشعبي بكل انواعه القصيدة العمودية والحديثه والابوذيه والزهيري والدرامي وتخصص بكتابة النص الغنائي والانشودة والفعاليه والاوبريتوله مشاركات عديده في هذا المجال
فكتب العديد من الاغاني لمطربين عراقيين وعرب

وتعامل مع كبار الملحنين العراقيين منهم محمد جواد اموري والاستاذ الملحن الفنان كاظم فندي والفنان الملحن ابراهيم السيد والفنان الملحن ضياء الدين والفنان الملحن جمعه العربي والفنان الملحن ناصر الحربي والفنان محمد الخزعلي والفنان كريم صدام والفنان صلاح داود والفنان اوس رعد والفنان مهدي السيد والفنان علي الرسام وعقيل منصور واخرين
صدرت له مجموعته الاولى بعنوان دمع مصلوب
شارك بالعديد من البرامج التلفزيزنيه
وشارك بالعديد من الانشطة سوى كانت مهرجانات او اماسي خاصه
ومشاره الثالث مع الاعلام فقد قدم العديد من البرامج في الاذاعه والتلفزيزن
نشرت له العديد من الصحف والمجلات العراقية والعربية
وهذه نماذج من كتاباته

من شـفتك نسيت
مــر على عيــــــوني حـلم بلكت تنــــام
مشـتهيك تمـــــر على أجـــروحي ملـح
مرني وي بـارح عطش انه أشــــتهيك
وأرضه بين ظلوعي لو انتــــه جـرح
وثق مثل هيجي جـرح مـا يشفه كون
وكون مـــــا يسومر يضل كلش وكـح
جرحي يسكت لو سمع بيك انته جـاي
يكوم يضــــحك جي طبـع كلبي سـمح
وبـــــــــاب كلبي انتـــه ســـديته بديـك
لغير شــــــــخصك لا ابـــد مــــا ينفتـح
شيل من دربي الورد وأزعلي شــــوك
مــرني ليـــــــل ولا تمـر بيــه صـبح
نفــذ صبري ومـــا أح،ب الانتــــــظار
الك شــــوكي بكلبي بانيله صــــرح
وانتـه بالنســـــبه الي معنى الحيــاة
وتدري قصتي وياك مـا حاجه شرح
اشعل ســــنيني الك يا عمـري نـــور
واعتبـــر عمري الـك كله طــــــرح
المهم انتـه امــــــــل عايش عليــــه
وعمري من غيـرك واذا خل ينذبح
انه لـــــو شــفتك نسـيت شبيه جان
ادري وي جيتك يجي ويـــاك الفرح
الصعبـه سهله تصير لو انته رضيت
واعتبــــــر جيتـــك علي كلهه ربـح
أنتـــــه سـري أبير صفناتي تعيش
بداخلي ومـــا اريــــد سرك ينفضح
انتــــه مني وابد مــا تبعــــد محــال
مثــل طبــــع الكاع تبقــه بــلا فلح
أنـــه محتـاجــك مجـرد بـس تعــــال
انـــــه مــا بيــه زعـــل كـلي صـلح


( الغرور )
الى كل من يجهل معنى الحياة......مع التحيه
لاتـغرك دنيتــك بــــــــــالك تميـل يمنتك مـــا أمـنت بشـــــــــمالهه وانه من احجي اكو عنـدي دليـل جـــدي علمني عليـهه وكـــــالهه
كال هــاي الدنيه مــــــالهه مثيـل لغــــــــزغــامض تعـبت حـلالهه
واللي يمشي من العمرمـاله بديل
وهيه تنقاس الــزلم بــــــافعـالهه
الدنيـه وكحه ودللت بـس الذليل
وذلت حيــــــود الـزلم وأرجالـهه الوكت موبـس حجي رايدله حيل
وبعد لسـه اسـيوفه أبد ما سالهه
رخو ســـــد ما يـكظ شـدة السيل
خلي جلمـاتك على كــــــــد حالهه
خيول عندك بالحجي مـاهيه خيل
تــتعب ومـا تسـتمر شـــــــــمالهه
انته ماتعرف شـنو معنى الصهيل
وانتــه لاكــدهه ولا خيـــــــــــالهه
كوم حل أعنانهه وبــــــــالك تعيـل
وذب سرجهه وحط عليهه اجلالهه
طبع حجي الليل ابـــــد ماله كفيــل
الدنيـه دواره وتغـير أحـــــــوالهه
واللي فات مـــن العمر ماهو قلـيل
تحـير الدنيه البشــــــر بــأهوالهه
من يعينك لــو صـبح حملك ثكيل
كلهه تتــبره لان مــو مـــــــــالهه
وانه وانته وغيري عالدنيه دخيل
وكلهه بـــــألاخر تشـــد أرحالهه




(( وحشة غيابك ))
كريم الرسام
ما أريدك تزرع بروحي الامل وتروح مني
وما أريد تفزز اجروحي علي وتكلي ذني
ولاتدليني عليــــــــــهن أدري بيهــــــــــن
و لاتكلي اعله السبب أدري انه منــــــــــي
لا تعيشـــــــــــــــــــــني بأمل مابيه ملامح
يكســـــــــــــــــر الخاطر يظل كلبي عليك
ولاتعــــــــــــــــودني على الــدرب الطويل
وانته مـــــــــــــو يمي الوكت بحسابي ليل
وما أريد تعوفني بوحشـــــــــة غيابــــــك
انه من غيـــــــــــــــرك أتيه بــــــلايه راي
لا تعلمني عليـــــــــك وتمشــــــــــي سكته
ولا أريد تكون مـن عينــــــــــــي بعيــــــد
انــــــــــــــه أعيش لخاطرك رغم الجرالي
ومـــــــــــــــا أكول مسامحك لو تمشي مني
أنـه ظنيتك أمـــــــــــــــــل ترسملي دنيــه
بيها بس انته وعلى الباقي الســــــــــــــلام
ما أريــــــــــدنك حلم متروس حيـــــــــره
وهاجس يعيش بضميـــري بــــلا يه معنى
وابقه منتظرك ولا جــــــــــــــــن بيك جيه
ويطفــــح بعيني الحزن يتــــرس صفنتي
ليش تجبرني على الما أحبه منـــــــــــك
وانتــــــــــــه ليش تريــدني بكد مشتهاك
وانه بيـــه أحســاس ما تشــيله الظنون
وشوكي مـــــــــا أكلك عليـــه لا تحترك
ردتك اتمرني على أعنادك ولو صعبه عليك
وبلكت أتطفي الجمــــــــر ما بيــــه شوغه
جانت ادمـــــــــــوعي كبل ســاترها جفني
وكبــــــــل جــــــانت تستحي تبلل وجنتي
ومـــن رحت عني بعــــــــــد ما ظل سـتر
يفوتن مفرعــات فوك اخدودي ســــــــكته
مــــــــــا كســــــر خاطرهــن الظلن وراك
لـــوعتي ووحشـــــــة غيابــــك والشماته
يتمت كلشي حلـــــــــو بكلمة وداعـــــــك
طفل كلبي مــــــــدلل وضاعـــــــــت لعبته
وراح اكلك من رحـــــــــــــت كلشي خذت
ومـــــــــــــــا بقة بس ذكرياتك والظنون
شلي بيهن يهيجن اجروحي علي جي انته ماكو

ليش اجيتوا
ليش اجيتوا كوه طوعت الكلب ينساكم
ليش اجيتوا عوديته ومــا بعد يهواكم
ابينه هواي فرق
قدر لازم نفترق
ومــــــا وفيتوا كلبي من وافاكم
*****
ليش اجيتوا صـــــار حبكم ذكريات
والجروح البيـــه جانن غـــافيات
شذ كراكم بيه هسه
حاولت واكدرت انسه
وما اريـــــــد يمر علي ذ كراكم
******
ليش اجيتــــــوا بعد ما فات الاوان
ليش اجيتوا بكلبي مــــا الكم مكان
ابسببكم كلشي صار
بعد ليش الاعتـــذار
انسوا كلشي وروحوا الله ويـــــاكم

***********************
سكوتي صعب
تتـــــعمد بغلطتك حتى الله مـــايرضه
والضاع من العمر ياهو الالي يعوضه
اسكت سكوتي صعب
هم عندي مثل قلب
واللي تريد علي مــا ممكن تفرضه
*******
صح انه وضعي صعب لاكني هم انسان
احزن واحب وانفعل واتقصـد النسيان
باللي اريده اقنع
وعن الخطأ امتنع
ومن حقي انه بشر هم ازعل وارضه
*******
يا ما احذرك كنت من كثرت اذنوبك
اتصورت تنتبه وتغيير اســـلوبك
الخطأ عندك طبع
وبغيره ما تقتنع
واللي بنيته بعمر ضـاع بأثر لحظه



(( محتـــــــار))

محتار يادنيتي مــا نصــــــح وكتي ويــاي
مجبور انسه المضى بس خايف من الجاي
مــايـــوم مرني الفرح
من زغري كلبي انجرح
محتــــــــار يــــــادنيتي وكبرت علي يلواي
*******
تعبــان يادنيتـي لاوين حده الصـبر
يكفيـج يــادنيتي ويمشي قطار العمر
عـودي احســه ذبل
وكلش بعيــــد الامل
محتـار يـادنيتي شأترجى من الجاي
********
اصـبر واحس بالصبر مل وجزع مني
وحتى الوهبـته العمر ما يوم يفهمني
كلشي بحياتي عــدم
واللي بنيته انهـــدم
مشــكور ياقســمتي مشكوره يادنياي

(( أعتــــذار ))
متـأســف وأعتذر عــــن ما بــدر منـي
ما كان قصـدي أجرحك ارجوك تفــهمني
ماراح ادور والـف واشرحلك ظروفي
ساعتهه كنت ارتجف سيطر علي خوفي
زلة لســان اعترف ارجـوك ســامحني
********
لحظه غضب للاسف واحساس بــــالغيره
وظنوني راحن واجـــن حسيت انه بحيره
واستسلمت للـــوهم
وحسيت تـــالي بندم
زلت لســـــــان اعترف ارجوك سامحني
********
احكم بكيفـــك علي راضي انــــه بكلشي
المهم ما اخســـــــرك واتعوفني وتمشي
أعرف بطبــعك وفي
ومــا تســتغل موقفي
زلت لســـان اعترف ارجـــوك سامحني
(( جــرحك ))
اكدر انسه العمر بطوله ويظل جرحك ماانساه
جرحك صوره وظل ابالي وبضحكاتي انرسمت اه
خل أتـالم خل أعاني
بس ماأقبل ارجع ثاني
وانسـه الماضي لا والله
******
أكدرأنسه هموم الماضي بس جرحك بدموعي احساس
شما احاول أهاتي أخفيهن تقراهن بعيـوني الناس
لو نص ليل وشمسك تطلع
لا يمكن اتسامح وارجــع
وأنســه المـــاضي لاوالله


********
شما أحاول انسـه يذكرني يالجرحك ما يرضى يطيب
لايمكن اتجاهـل كلشي وأرضـه بكل هذا التعذيب
لا تتصـور اقبل عـــذرك
وأتهاون واتجاهل غـــدرك
وأنســــــه الماضي لا والله
(( بأختصـــار))
باختصــــار انته اخطـأت
وللاسـف ما تعــــذرت
وجايني تريد السـماح
شلون كلبي يســتراح
والاخطـــــاء تكررت
******
تقصـــدت عمدا أخطاءك
أتجاهلتني بكبريـــــائك
وحاولت تســـتغل ظرفي
ولشمعتي تريـــــد تطفي
عالظــــــلام تعودت
******
أختصـــر وفـر كلامك
كلبي راغب في خصـامك
انته عندك قلق نفسي
شما ردت وياي تقسي
عالقســــاوه تعلـــمت

(( يهواك الكلب ))

كريم الرسام
علمتني شلون اهوى وعلمتني شلون احب
فاجئتني وكتلي انسه ريتــك تكلي السبب
ما ردتهه تصير سكته
الهجر مـــوهذا وكتـه
بعـــده يهــواك الكلب
*****
ليش ترضالي العذاب والكلب بعــدك يحيــر
الامـــل انـته بحياتي وانته صدكني المصير
آنه منك وانتــه مني
صعبه من تبتعد عني
بعــــده يهــواك الكلب
*****
فــكر بكلبي الهواك انتـه علمته عليك
لاتظن لحظه نساك وباقي امره بين أديك
صعبه من تريد هسه
بلا ذنبك واتكلي انسه
بعـــــده يهواك الكلب

(( مجبور ))
كريم الرسام
آنه جــــدا أعتـذر وأرجـو السـماح
وأعترف وي السـفن تمشي الرياح
والشمس باليل تطلع
والنجوم الظهر تـلمع
والطيور اتطير مكصوصه الجناح
******
أته شمعه تضوي وتـلاوي العواصف
وطبعي نخله ومن يموت النخل واكف
العواطف موبضــــاعه
ولو يكون العمر ساعه
وكون أحسن بــس ضميرك يستراح
********
كلبي منبع للحنان وانه كتله من المشــاعر
ورده فواحه بعطرهه صوره انه بوصف شاعر
كبريائي بــــلا غــرور
شمعه ناذرعمري نـور
ولابس الغيـــره على صدري وشاح

لدي العديد من الدروع والشهادات

درع من قناة العراقيه

ودرع ون مؤسسة النخبة

ودرع من قناة السومرية

ودرع من شركة نفط ميسان

ودرع من المجلس الشعبي

مداليات وهدابا من كثير

من المؤسسات

الثقافيه والادبيه

 

علي كاظم خليفة العقابي


التعليقات




5000