ثقافات              يمه كاظم الوحيد 21/03/2012 قراءات: 1373              يمه حيل آنه الج مشتاكَ           ,,  والشوكَ ما ينوصف هذا البيه              شوكَي الج جذب ينقاس            ,,  ما شالته جبال الكره الأرضيه                كون يمج واحب ايدج           ,,   يجف الخير يل كله عطيه               شحلات الخبزه من ايدج        ,,   ولا انسه وحياتج لمة الصينيه                يم كَلب البلحنان يفيض           ,, غطاني بحنانه وهل كسر فيّه                يمه ارد اشمج حيل            ,,يل كلج محنه ووفه وحنيه                يمه روحي فدوه تروح             ,, لتراب التسكَينه يحجيه             لا تظنيني نسيتج وانتي          ,,  تدرين النهر ما ينسه ميه              يمه بعيوني يسورب              ظل خيالج دوم           ,,مريني ولو بالطيف ليليه            كَمر انتي ويشع بالليل          ,,  يا نور وضوه وكَمريه        يمه شحجيلج !! الغربه تهد الحيل           ,, وجروح شكثر بيه           الغربه ما تنحمل ما تراد         ,, بُعد وفراكَ وهموم واذيه           اكَضي الليل بالآهات        اون وجروحي ونتهن خفيه         يمه انه مقصر تراني وياج        ,, مو ذنبي ييمه ومو بديه           أطلب من الله العفو           ومنج اترجه السماح         بيوم تحضرني المنيـــــــــه    ـ    كاظم الوحيد التعليقات الاسم: كاظم الوحيد التاريخ: 21/03/2012 14:37:30 بمرورك يكمن الأبداع استاذ ابراهيم لك وافر شكري وامتناني لصدق مشاعرك ودعائك الجميل ,,محبتي لك الاسم: ابراهيم ثلج الجبوري التاريخ: 21/03/2012 14:25:14 يمه انه مقصر تراني وياج ,, مو ذنبي ييمه ومو بديه أطلب من الله العفو ومنج اترجه السماح بيوم تحضرني المنيـــــــــه اللة عليك ياكاظم ابدعت ربي يحفطك ويخفظ امك الاسم * البريد الالكتروني تعليق * 5000