.............
..........
هالة النور للإبداع
.
أ. د. عبد الإله الصائغ
..... 
.
مواضيع تستحق وقفة
  .
 حسن حاتم المذكور 

سيرك الدين والدولة...

الكاتب حسن حاتم المذكور

.

في حضرة المعلم مع
الدكتور السيد علاء الجوادي

 د.علاء الجوادي

حوار علي السيد وساف

.
 رفيف الفارس

رسالة الينا نحن غير المشاركين في واقع ثورة شعبنا البطل

الكاتبة رفيف الفارس

.

.

.
....
.......
 
...…
ـــــــــــــــ
.
.
 svenska
.
مؤسسة آمنة لرعاية الايتام

.

.

..............
 
.
 ................... 


 

....................
جمعية الصداقة العراقية السويدية 
...................

  

ملف مهرجان
النور السابع

 .....................

فيلم عن
د عبد الرضا علي

  




................


خدمات ترجمة 
 في مؤسسة النور

.

 ملف

مهرجان
النور السادس

.

 ملف

مهرجان
النور الخامس

.

تغطية قناة آشور
الفضائية

.

تغطية قناة الفيحاء
في
الناصرية
وسوق الشيوخ
والاهوار

.

تغطية قناة الديار
الفضائية
 

تغطية
الفضائية السومرية

تغطية
قناة الفيحاء في بابل 

ملف مهرجان
النور الرابع للابداع

.

صور من
مهرجان النور الرابع 
 

.

تغطية قناة
الرشيد الفضائية
لمهرجان النور
الرابع للابداع

.

تغطية قناة
آشور الفضائية
لمهرجان النور
الرابع للابداع

 

تغطية قناة
الفيحاء
لمهرجان النور
في بابل

 

ملف مهرجان
النور

الثالث للابداع
2008

ملف
مهرجان النور
الثاني للابداع
 

            


عباس والحمار

عباس طريم

  

عباس والحمار
_________
شعر : عباس طريم
 
طار امن الفرح  من  شاف الحمار
 
يمشي  بكل  امان   ابهل  الجزيره
 
تايه    لا  سكن   لا  اهل  لا   دار
 
لا   اصحاب   عنده   ولا  عشيره
 
يمشي  ابهيدة  ما  يهتم   للخطار
 
ولا   ايفكر   ابليله    ولا  سميره
 
ياكل  جت ,حشيش , وخبز , وخيار
 
يقنع   بالاله  , وما   ايريد  غيره
 
يتمايل   على  الجنبين  اذا   سار
 
وما   ينسمع   منه   بس  شخيره
 
ما  فد   يوم  راح  لمحل   عطار
 
ولا   مرة    شرب   بالبار   بيره
 
ولا  فد  يوم  شفناه  يلعب  اقمار
 
وخسر  وتعارك  وحشم   حميره
 
ولا  مرة  كتب  تقرير  عن  جار
 
ولا   نافق  وغش  وجاب  سيره
 
وليضربه   ويكله  اتحرك احمار
 
يتركه  ايروح  وي ربه وضميره
 
الدنيه  عالكه  وما يسمع  اخبار
 
شالت  حطت    احتركت   الديره
 
مسالم    يحترم    ويقدر   الجار
 
واذا   تنخاه   تلكاه    كله  غيره
 
خفيف الظل  لا  ايزور   ولينزار
 
كافي  الناس   من  شره  وخيره
 
مر عباس  كله  احسبني  خطار
 
والخطار      منزلته       جبيره
 
واريد اسالك ليش  امفارك الدار
 
مثل  الفار  ما  يعرف   مصيره
 
وبهاي  الشمس  وحرورة النار
 
ما  تحتاج   اخليك     ابحظيره
 
اتعرض نفسك  الانواع  الخطار
 
اذا   ظليت   وحدك   بالضهيره
 
تعال  اوياي  اذا  ظليت  تنهار
 
وبالك  تسلك  ادروب الخطيره
 
لا  ظل  بيت الك ,لا  الك  زوار
 
تعال  وعيش .. دنيانه  كصيره
 
الجو اهنا لهيب ومن صدك حار
 
واخاف اتدوخ  واتطيح ابحفيره
 
ضحك  ضحكه  جبيره وصاح بصرار
 
حبيبي .. الطير يسلك ويه  طيره
 
وجدامي  الخضرة   وكل  الثمار
 
وفوك الجبل, تحت الوادي, خيره
 
اعيش ابجو لهيبه ايفوق العصار
 
ولا     ارد   القهركم    والنكيره
 
حاولت  الهروب  امرار  وامرار
 
لكن هاي  الي  الشردة  الاخيره
 
هاي    سياطكم .. بالظهر   اثار
 
كتلتوني   وشهرتوني    شهيره
 
مجرد صدفة وتعثرت باشجار
 
وطحت , وبليل والدنية مطيره
 
اتسرفنتو   وكتلتوني   ابسيار
 
ولحمي  صار  ياشاعر  هبيره
 
ما واحد  فزع  من كل  الخيار
 
وخشمي من الكتل يدوي بصفيره
 
حيل اوياه ايصيح الماشي والمار
 
جن   مطلوب     ثارات    جثيره
 
وحته  لو صدك  الهم  علي  ثار
 
هم   ترحمني   العقول   الجبيره
 
يشتمون  بابوي   الليل   ونهار
 
ويسموني  نذل  ما عندي غيره
 
اتعب  ما  الاكي.. كبار وصغار
 
لخطيه  كال  حضروله  شعيره
 
تنصره اليوكع الاصحاب والجار
 
المثلي احمار جا  ياهو  نصيره
 
اذا عد  خير اشكي .. ايكول عيار
 
واذا بالمركز اتعس..بويه حيره
 
حيلي امن الضرب  ومن الالم خار
 
عساهه ابخت محروس ابو الشيره
 
يجي   فد   يوم   تتغير    الادوار
 
واكظ   محروس  وبعجلين اطيره
 
وكتله  امدبسه , وجدام    النظار
 
اسويه  للخلك    والناس   سيره
 
نهار  وليل  فوكي   الحمل  دوار
 
محد    كال     هالمتعب   نجيره
 
افتر بالشمس , بالحر , بالمطار
 
لابو  الشغل  بوية  , لابو  خيره   
 
منكم ما شفت موقف حلو, وسار
 
شفت كتلات  ما   تنعد     جثيره
 
بجزيرة  وممكن اتساعدني القدار
 
واعيش واعبر  الفترة  الخطيره
 
بس  وياك    ارجع  ,  الله  ستار
 
اسير ..شلون  يرجع   وي اسيره
 
يا  عباس   مثلك   شايف  اكثار
 
من يحجون  اكلهم :  كولو غيره
 
تكتلون   البشر  من  اجل  دينار
 
المثلي بيا  ثمن  يحفظ   مصيره
 
اني  ادريك  شاعر  تكتب اشعار
 
وادري افلاس  كاعد عالحصيره
 
وادري اتسوتل اتدورعله  اخبار
 
وما  اكلك   يشاعر  غير,  جيره
 
اتركني  وروح  مو بيدك الاعمار
 
وحياتي  ادريهه  بالعيشة  جديره
 
راضي بعيشتي  وعقلي  اليختار
 
وما  معقول   اشيرك  ما  اشيره
 
انقلع   لا تعتذر , ما اقبل  اعذار
 
ولا   اسمحلك   ابكلمة    اخيره
 
حياتي واني  اقرر  وين  البحار
 
واذا  بحري  فشل , ابحر الغيره
 
واذا محروس شفته وكتله بالصار
 
يجيني   ابساع    ميطول  مسيره
 
واذا  ما  ارجع   وينطيني   انذار
 
ازكطه  ابقاضية وانهي  مصيره
 
واذا  عدوله   من  واحد   المليار
 
ما  يكعد   وروح    امي  حميره
 
لان  جو  تايسن  سويته  طشار
 
وخشمه  اتهشم ابوحده  قصيره
 
 
 
  
  

عباس طريم


التعليقات

الاسم: علي حسون الطائي
التاريخ: 26/06/2013 10:17:40
الاستاذ عباس طريم المحترم :
لقد منحتني فرصة التؤمل بآدامية البشر وبعد برهة مزعجة اكتشفت انك بهذه القصيدة قد وضعت الاصبع على الجرح في ظل هذه الفنطازيا السادية التي يحملها البشر. نعم انها قراءة متقدمة لوداعة هذا الحمار الذي سيسخر ولاريب من عقولنا يوما .. مع محبتي .

الاسم: عناس طريم
التاريخ: 30/12/2011 01:54:25
اخي الاديب علي الغزي .
مرورك اسعدني .. وكلماتك الجميلة والتي تدخل القلب ,تزيدني فحرا كونها صادرة من اديب له بصمة واضحة في مجالنا الادبي .
تحياتي .. اتمنى لك عاما مكللا بالنجاح باذنه تعالى ..

الاسم: عناس طريم
التاريخ: 30/12/2011 01:48:15
استاذنا الرائع سامي العامري .
شكرا لمرورك الكريم الذي
ما برح يشد ازري .
وكلماتك الرائعة ...والتي اجد فيها كل التشجيع والدفع الى الامام .فهي تضيف طاقة لروح البذل والعطاء في داخلي .
تحياتي .. واتمنى لك عاما مكللا بالنجاح باذنه تعالى .




الاسم: عناس طريم
التاريخ: 30/12/2011 01:44:58
استاذنا الرائع سامي العامري .
شكرا لمرورك الكريم الذي
ما برح يشد ازري .
وكلماتك الرائعة ...والتي اجد فيها كل التشجيع والدفع الى الامام .فهي تضيف طاقة لروح البذل والعطاء في داخلي .
تحياتي .. واتمنى لك عاما مكللا بالنجاح باذنه تعالى .




الاسم: علي الغزي
التاريخ: 29/12/2011 23:30:42
تكتلون البشر من اجل دينار

المثلي بيا ثمن يحفظ مصيره

اني ادريك شاعر تكتب اشعار

وادري افلاس كاعد عالحصيره

وادري اتسوتل اتدورعله اخبار

وما اكلك يشاعر غير, جيره

اتركني وروح مو بيدك الاعمار

وحياتي ادريهه بالعيشة جديره

راضي بعيشتي وعقلي اليختار

رائع جداااااااااااااااا استاذنا الغالي والله ما قصرت للوصف الجميل نقلتها في صفحتي على الفيس بوك اسمي علي عبد الغزي

الاسم: سامي العامري
التاريخ: 28/12/2011 23:38:49
ياكل جت ,حشيش , وخبز , وخيار

يقنع بالاله , وما ايريد غيره

يتمايل على الجنبين اذا سار

وما ينسمع منه بس شخيره

ما فد يوم راح لمحل عطار

ولا مرة شرب بالبار بيره

ولا فد يوم شفناه يلعب اقمار

-------
يسلم اليراع الذي خط هذه الملحمة العميقة والظريفة الناقدة تحسب حساب كل ما هو خفي !!
دام القلب قلبك النابض بالمحبة والشعر والأقمار أيها الشاعر البديع عباس طريم




5000