.
......
 
.............
..........
هالة النور للإبداع
.
أ. د. عبد الإله الصائغ
..... 
.
مواضيع تستحق وقفة
  .

في حضرة المعلم مع
الدكتور السيد علاء الجوادي

 د.علاء الجوادي

حوار علي السيد وساف

.
 رفيف الفارس

رسالة الينا نحن غير المشاركين في واقع ثورة شعبنا البطل

الكاتبة رفيف الفارس

.

.

.
....
.......
 
...…
ـــــــــــــــ
.
.
 svenska
.
مؤسسة آمنة لرعاية الايتام

.

.

..............
 
.
 ................... 


 

....................
جمعية الصداقة العراقية السويدية 
...................

  

ملف مهرجان
النور السابع

 .....................

فيلم عن
د عبد الرضا علي

  




................


خدمات ترجمة 
 في مؤسسة النور

.

 ملف

مهرجان
النور السادس

.

 ملف

مهرجان
النور الخامس

.

تغطية قناة آشور
الفضائية

.

تغطية قناة الفيحاء
في
الناصرية
وسوق الشيوخ
والاهوار

.

تغطية قناة الديار
الفضائية
 

تغطية
الفضائية السومرية

تغطية
قناة الفيحاء في بابل 

ملف مهرجان
النور الرابع للابداع

.

صور من
مهرجان النور الرابع 
 

.

تغطية قناة
الرشيد الفضائية
لمهرجان النور
الرابع للابداع

.

تغطية قناة
آشور الفضائية
لمهرجان النور
الرابع للابداع

 

تغطية قناة
الفيحاء
لمهرجان النور
في بابل

 

ملف مهرجان
النور

الثالث للابداع
2008

ملف
مهرجان النور
الثاني للابداع
 

            


((والعباس كلمن يوصل انبسطه))

عباس طريم

حجاي    واجانه   ابقاط     وبربطه

  

يراوينه   الذهب   ويبيعنه   الحنطه

  

حديثه    امبين   امنقيه    ومضبطه


جميل  وشاعري  وما  بيه كل غلطه

  

وراه  ازلام   كل  واحد  جهاز اوياه

  

ونظارات   سودة   امظلله   وجنطه

  

وقاط اسود ابوسطه احزام من احزام

  

والورور   امبين    لازك    ابوسطه

  

يتلفتت   وعينه   ادور  بين   الناس

  

وكلمن يوصل  العد  صاحبه ايلكطه

  

ما  جنهم  حرس  جنهم  اذيابة  ليل

  

متحضرة  السفك  كل  جدم  يتخطه

  

سولف عن الود  والدين  والاخلاق

  

وعن رب العباد  ورحمته  وسخطه

  

وكال  اني رقيق  وعندي  بالبستان

  

عصفور   وغزال    وبلبل    وقطه

  

افرح من  اشوف  الفارة   والبزون

  

وارتاح امن  اشوف  البشه  والبطه

  

انساني  وحقوق  البشر  والحيوان

  

اتحلم     انام      ابظله     واتغطه

  

احنه اهل النفط والمال والمفروض

  

نتريك    زبادي    وقيمر   وقشطه

  

  والعرموط     والتفاح     والرمان

  

كله  انجيبه  حد  البيت  وانصفطه

   

وكال احنه  العراقيين كلنه  اخوان

  

نعدل  اللي  يزل  ونسامح  اليخطه

  

يشهد ربي  بابي  وكلبي  مفتوحين

  

الكم    بالاخص   اليوكع   ابورطه

  

بلا موعد تجوني وانتو اهل  البيت

  

وانه    اللي  يقدم   الزاد   ويفرطه

  

والعنده  سجين  وحار  وين  ايروح

  

لا  يحتار  احنه  انطلعه اله ابشخطه

  

اعاهدكم   من  اذنه انجيبه  الستقرار

  

وانجر الامن  من  زيجه  وانضبطه

  

والماخذ قرض ويشوفه حيل هواي

  

لا    مانع    لدينا   سادتي  انقسطه

  

والشارع البي طسات  من  هالعين

  

واجب   نفرش  السبيس  وانبلطه

  

اني   اترشحت    للبرلمان   اليوم

  

عونتكم  اريد   الواضحة  النشطه

  

واللي ينتخبني  ابشرط  من هاليوم

  

اوقعله  واكول  اموافق   ابشرطه

  

واللي  ينتخبني  اولاده   ينقسمون

  

نص عالجيش اعينه ونص عله الشرطه

  

  

  واليرشحني وايخط اسمي  ما انساه

  

احفظ   موقفه    واتشرف    ابخطه

  

ذكر كل  النقاط  التعجب   الجمهور

  

ما  ظلت  عليه    تعتب   ولا  نقطه  

  

اخيرا حمل روحه وصاروسط الناس

  

اشر   للمصور   كال   اخذ    لقطه

  

ورشحناه   وصار   ودارت  الايام

  

وخلصهه  المرشح  سنطه في سنطه

  

راح  حسين زاره ودك عليه الباب

  

واخذ وياه  الفايل  حطه  جوه   ابطه

  

وكلما  يسال   يكلوله   ما   موجود

  

زار  القاهرة  ومجتمع  في   طنطه

  

وبعد   مدة  رجع   وحسين   يترجاه

  

محمل  فايلات   من  الربع  صفطه

  

حسين  امتاني  ما يتحرك امن الباب

  

ما   دام   الفلافل    يمه     والشطه

  

طبوله  الحرس كالوله حجي حسين

  

لازك  سيدي  شتامر  شني  الخطه

  

شتامر سيدي  ندعوه   يشرب جاي

  

ونشيله اعله راسه بحوضنه انغطه

  

لو نطيه درس  كل عمره ما ينساه

  

وانحطه  اعله  راك الباب ونربطه

  

شتامر سيدي انعنع اضلوعه اتريد

  

لو دفره  اوعجل ونعيدله  الخلطه

  

  

لو كلما يجي  ويسال اندفعه انكول

  

باليابان   لو    بالصين    ونفحطه

  

  

هذا امسودن وصدك  ابحجيك ذاك

  

يوم   السولفت   عالقطه   والبطه

  

غضب جدا النائب صار مثل النار

  

ظل يرعد رعيد وصاح من سخطه

  

اطردو كل بعوضه ايصير يم الباب

  

وياويله  اليكول   اشوزع   وشنطه

  

صارت عندي جلطه من التعب وحسين

  

وامثاله    سبب   في  هذه    الجلطه  

  

يوميه    ابلد   من   اجل   الستثمار

  

  والاخ  كاعد   ابلا   شغل   يتمطه

  

وزعنه  الشغل   عالاهل  والخلان

  

ما  ظل عدنه  شي ما يفهم الاسطه

  

قابل عدنه  مكتب خاص  بالتشغيل

  

  كولو ابروح   ابوكم وين  دنحطه

  

بعد لحد  يجيني  انقلعو  من  الباب

  

والعباس   كلمن   يوصل  انبسطه

  

وشرد مثل الغزال احسين لمن شاف

  

مجموعة   اجته   ورايده   اتشحطه

  

وعاد الشهم  حافي وصاح عالوصوه

  

  عرايضكم اخذوهه ..اوصار بالوسطه

  

وصاح اباعله صوته اعله الجمع ياناس

  

شحتوني ابتواثي اصحاب ابو القشطه

  

والعرموط      والتفاح       والرمان

شو صارن تواثي وراشدي وسقطه

  

والما  يصدك  ابعينه  يريد ايشوف

  

خلي ايروحله ودين  النبي ايسكطه  

  

واليجرب ..ادكن  رهن  انه  اوياه

  

اذا مو كتله   ياكل  تاخذه  الشرطه  

عباس طريم


التعليقات

الاسم: عباس طريم
التاريخ: 04/12/2011 18:29:27
اخي العزيز الكاتب الصحفي علي العتابي .
شكرا لك ولمرورك العذب .
لا يصح الا الصحيح وسياتي اليوم الذي ند\ فيه العدالة تقود مسيرتنا وننعم بالعيش الرغيد فنحن بشر ولابد لنا ان نعيش كباقي خلق الله .
تحياتي وتمنياتي لك بالصحة والعافية ..

الاسم: علي جبار العتابي
التاريخ: 04/12/2011 16:48:35
اخي وعزيزي الزميل عباس طريم قصيدة جميلة جدا ومن خلالك اقدم شكري لمن سبب لك الالم كي ياتي هذا الابداع ويكون مادة لقلمك الجميل ولدي سؤال هل هذه القصيدة التي كتبتها تعني السادة المسؤولين عندنا في العراق ام في دولة اخرى اذا كان قصدك بالعراق فارجو ان تعيد حساباتك فان النواب عندنا في مصاف الانبياء اياك ان تقترب الى قدسيتهم كي لاتصيبك لعنتهم فلعنتهم اقوى من لعنة الفراعنة وانا اخاف عليك كثيرا فنحن الشعب الاغبى في العالم وسنكرر الخطا في الانتخابات القادمة وسننتخب الاكثر ظلما في المرة القادمة لك مني كل ما املك من احترام

الاسم: عباس طريم
التاريخ: 03/12/2011 17:17:28
اخي العزيز الاديب الرائع عبد الفتاح المطلبي .
يسعدني مرورك العذب . وافرح كثيرا باطراءك
ي الجميل كونه صادر عن اديب له بصمة واضحة في ادبنا العربي وملامح ادبية نعتز بها جميعا .
قصة من ارض الواقع حاولت تصويرها بشكل ادبي اتمنى ان تنال رضاكم ورضى القراء الكرام .
تحياتي ..

الاسم: عباس طريم
التاريخ: 03/12/2011 17:07:20
الاديب الرائع صادق العلي .
مرورك يسعدني ويزيدني ثقة بنفسي وبما اكتب .
هذه القصة نقلتها من واقعنا المرير الذي نمر به
حيث الانفلات وعدم الالتزام والضحك على الذقون .
تحياتي لك ثانية ..

الاسم: عباس طريم
التاريخ: 03/12/2011 17:01:23
الاديبة الرائعة منى الهلالي .
الف تحية لك ولمرورك الجميل الذي ينعش حدالئقنا العطشى والتي تروى بتشجيعكم ومروركم الكريم .
تحياتي ..

الاسم: عباس طريم
التاريخ: 03/12/2011 16:52:29
استاذنا الرائع الاديب سامي العامري .
شكرا لمرورك العذب الذي افتخر به وبكلماتك المشجعة والتي اشعر بها داخل قلبي وروحي تدفع بي الى المزيد من الابداع الادبي .
تحية ثانية وجزيل الشكر ..

الاسم: عباس طريم
التاريخ: 03/12/2011 16:46:08
اخي العزيز الاديب خالد الخفاجي .
شكرا جزيلا لمروروك العذب ولكلماتك الرومانسية الجميلة التي تشد الظهر وتدفعني الى حيث الابداع .
هذه قصة حقيقية من ارض الواقع حاولت ان اكتبها بهذه الشكل الادبي لتكون مقبولة من الناس وخاصة الادباء .
اشكرك ثانية .

الاسم: خالد الخفاجي
التاريخ: 02/12/2011 21:20:50
أخي الحبيب وصديقي الحميم الشاعر الكبير والفنان المتجذر في الأصالة والابداع عباس طريم
ماذا أقول بحق هذه المعلقة التي سطرها قلمك الرشيق ، وفطنتك الحادة لدقائق الأمور ، والتي نسجتها بألمك العراقي النبيل عبر صور أكثر من رائعة ، فغدت معلقتك التي أراها مفخرة للشعر االشعبي العراقي الحديث والقديم ، أقول فغدت واصفة لأدق ماغدر به كل برلماني منافق ضحك على الأصوات التي انتخبته في برلماننا المضحك
حقيقة صديقي النبيل
أنا عاجز عن وصف نبضك الأكثر نبلا ، وشعرك المجمر
وعاجز عن التقاط صورة معينة لان المعلقة كل صور تتزاحم في السباق

وراه ازلام كل واحد جهاز اوياه



ونظارات سودة امظلله وجنطه



وقاط اسود ابوسطه احزام من احزام



والورور امبين لازك ابوسطه



يتلفتت وعينه ادور بين الناس



وكلمن يوصل العد صاحبه ايلكطه



ما جنهم حرس جنهم اذيابة ليل



متحضرة السفك كل جدم يتخطه



سولف عن الود والدين والاخلاق



وعن رب العباد ورحمته وسخطه



وكال اني رقيق وعندي بالبستان



عصفور وغزال وبلبل وقطه



افرح من اشوف الفارة والبزون



وارتاح امن اشوف البشه والبطه



انساني وحقوق البشر والحيوان



اتحلم انام ابظله واتغطه



احنه اهل النفط والمال والمفروض



نتريك زبادي وقيمر وقشطه
ـــــــــــــــــــــــــــ
بوركت روحك النابضة بحب العراق
سلمت
ودمت بخير

الاسم: سامي العامري
التاريخ: 02/12/2011 17:41:53
انساني وحقوق البشر والحيوان



اتحلم انام ابظله واتغطه



احنه اهل النفط والمال والمفروض



نتريك زبادي وقيمر وقشطه

------
تحية محبة للشاعر المتمكن البديع عباس طريم
رغم صعوبة القافية لكنك أحسنتَ وأجدتَ وأنت تعري أشباه البشر بل ما هم ببشر !
مع أحلى الأمنيات

الاسم: منى الهلالي
التاريخ: 02/12/2011 14:11:09
الاستاذ عباس طريم

شكرا للابداعك المتجدد دمت نصيرا ومعبرا

تحياتي
منى الهلالي

الاسم: صادق العلي
التاريخ: 02/12/2011 12:56:17
الاستاذ العزيز عباس طريم
كم انت اصيل ونقي
دمت وسلمت

الاسم: عبد الفتاح المطلبي
التاريخ: 02/12/2011 09:27:23
الشاعر الكبير الأستاذ عباس طريم ، والله لقد كنت في قلب حسين حين كتبت القصيدة
كأنك من قلوب النس تحكي
قصيدٌ حرفه في القلب يبكي
قرأت هديره فإذا بقلبي
يؤجج نار أحزانٍ ويُذكي
سلمت يا أستاذ عباس لا حرمنا الله من قوافيك المعبرة عن جماهير الفقراء، تحياتي لك ومودتي




5000